Koha që fëmija duhet të shpenzojë para televizorit

8 Prill 2015, 13:30, Aktualitet CNA

Për shumë prindër të rinj, bota pa televizor do ishte e vështirë për t`u menduar. Studimet kanë treguar që shikimi i televizorit nuk është i dëmshëm, madje mund të jetë edhe i dobishëm, por nëse dijmë që t`ia përcaktojmë drejtimin e duhur, të zgjedhim emisione të cilat do të jenë të dobishme për fëmijën dhe jo të dëmshme.

Çfarë programesh? / Duhet të dini që shikimi i TV-së ndikon në sjelljen e fëmijës dhe raportin që do ketë me mjedisin. Fëmijët nga emisionet e veçanta (me të drejtë) madje mund të përcaktojnë që edhe sjellja agresive është e justifikuar. Fëmijët parashkollorë shumë shpesh nuk mund të bëjnë dallimin në mes të fantazisë dhe reales. Dhe këtë me të vërtetë nuk mund ta mësojnë përmes programeve televizive, ku në shumicën e rasteve, madje edhe në emisione fëmijësh, fantastika paraqitet si realitet. Për këtë arsye asnjëherë mos e lini fëmijën vetë para TV-së të shikojë gjithçka. Kaloni së paku 10 minuta me të, dhe nëse vëreni që programi nuk përshtatet me kriteret tuaja, mundohuni ta bëni të interesuar për ndonjë gjë tjetër. Por kjo nuk duhet të jetë sulmuese. Gabimi më i madh është çkyçja e TV-së dhe të prisni që fëmija juaj ta pranojë këtë me qetësi.

Reklamat mund të jenë të rrezikshme/ Të rriturit zakonisht nuk i kushtojnë vëmendje reklamave, përderisa fëmijët i ?gëlltisin? me shikim! Si duket i tërheqin të shfaqurit e një gjëje e cila ishte e panjohur për ta, apo ndoshta të cilën dëshirojnë ta kenë. Shpesh, reklamat janë e vetmja gjë të cilën fëmijët e shikojnë me kënaqësi. Nëse nuk reagon, por vetëm argëtohet duke shikuar mesazhet propaganduese, lëreni. Megjithatë, nëse vëreni që dëshira e fëmijës sa shkon e rritet, nëse nuk është i/e kënaqur me kukullën apo makinën, por shpesh ju lut ti blini prodhime të ndryshme të cilat i ka parë gjatë reklamave, atëherë duhet ti zvogëloni shikimin e tyre. Po ashtu, nëse vëreni që papritmas lojërat e fëmijës tuaj kanë filluar të ndryshojnë, në të cilat përfshihet më shumë agresion, të jeni të sigurtë që ka patur ndikim televizioni.

Edukimi përmes Televizorit/ Nëse vlerësoni që programi për momentin është adekuat për fëmijën tuaj, qëndroni me të pranë ekranit televiziv. Komentoni ngjarje të caktuara, sjellje të heronjve, shpjegojini se përse është kështu në emision. Kështu mund ta mësoni fëmijën për gjërat të cilat nuk do të kishit mundësi t`ju tërheqni vëmendjen pa TV.