web counter
LEXO PA REKLAMA!

SHKARKO APP

App Store
Google Play

E fundit!

x

Athina përcakton shifrën e “borxhit” që i ka Gjermania

7 Prill 2015, 08:03, Aktualitet CNA

Qeveria e Athinës i kujtoi sërish Gjermanisë se ajo i ka para borxh nga koha e pushtimit nazist. Gjermania, sipas grekëve, ka borxh 279 miliardë euro për dëmet e shkaktuara nga nazistët gjatë Luftës së Dytë Botërore.
Zëvendësministri i Financave të Greqisë, Dimitris Mardas, në një komision parlamentar në Athinë ka thënë se Gjermania ia ka këtë borxh vendit të tij për shkak se nazistët e kishin detyruar Bankën e Greqisë të japë një kredi në kushtet e pushtimit.

Dëmi tjetër, sipas Mardas, është shkaktuar edhe nga vjedhja e artifakteve arkeologjike.
Edhe qeveritë e tjera greke kanë kërkuar rregullisht nga Gjermania që kjo e fundit të paguajs për këtë arsye, por asnjë qeveri greke nuk kishte përmendur ndonjë shumë konkrete.

Kryeministri grek, Alexis Tsipras rregullisht e ka fajësuar këmbënguljen gjermane për masa kursimi si shkaktare e vështirësive në ekonominë greke të zhytur në kredi.
Gjermania e ka hedhur poshtë kërkesën e Greqisë që të paguhen dëme të luftës duke kujtuar se në vitin 1960, shteti gjerman ia kishte paguar Athinës 115 milionë marka.





Lajmet e fundit nga