web counter
LEXO PA REKLAMA!

SHKARKO APP

App Store
Google Play

E fundit!

x

Ministri Bushati vizitë në Japoni: Rritje e bashkëpunimit politik dhe ekonomik

6 Prill 2015, 10:17, Politikë CNA

Ministri i Punëve të Jashtme Ditmir Bushati nisi sot vizitën zyrtare në Japoni me një numër takimesh të nivelit të lartë. Qëllimi i kësaj vizite është intensifikimi i dialogut politik, rritja e bashkëpunimit ekonomik mes dy vendeve dhe nxitja e kompanive dhe biznesit japonez për të investuar në vendin tonë.
Gjatë ditë së parë të kësaj vizite, Ministri Bushati u takua me Ministrin e Punëve të Jashtme të Japonisë, z. Fumio Kishida, me Kryetarin e Dhomës së Përfaqësuesve të Parlamentit të Japonisë, z. Nabutaka Machimura, me Grupin Parlamentar të Miqësisë Japoni-Shqipëri dhe me zv. Presidentët e Agjencisë Japoneze të Bashkëpunimit Ndërkombëtar (JICA), z. Masakazu Ichikaëa dhe z. Domichi Hideaki.
Dita e dytë e vizitës do të vijojë me takime që Ministri Bushati do të zhvillojë me agjenci shtetërore japoneze të bashkëpunimit ekonomik dhe teknik, si dhe me përfaqësues të komunitetit të biznesit, të cilët kanë shprehur interes për të investuar në vendin tonë.

Në takimin me Ministrin e Jashtëm Kishida u vlerësuan marrëdhëniet shumë të mira politike dhe ekonomike dhe u theksua ruajtja e dialogut politik në nivelet më të larta të mundshme, si dhe rritja e bashkepunimit politik dhe ekonomik.





Lajmet e fundit nga