web counter
LEXO PA REKLAMA!

SHKARKO APP

App Store
Google Play

Deputetët që rrezikojnë të përjashtohen nga Kuvendi

5 Prill 2015, 06:29, Politikë CNA

Ndonëse nuk ka dosje konkrete për të gjithë, thuhet se 19 deputetë janë të përfshirë në trafiqe, korrupsion, prostitucion, vrasje etj. Ndërkaq, gërshetimi i procesit të dekriminalizimit me procesin e zyrtarizimit të kandidaturave për zgjedhjet lokale, do të nxjerrë shumë deputetë nga Parlamenti Shqiptar. Tom Doshi dhe Mark Frroku, nëse do të dënohen me vendim të formës së prerë, në bazë të akuzave të Prokurorisë, nuk do të kthehen më në Kuvend, do t?u kalojnë kandidatëve në listën shumemërore për deputetë.

Arben Ristani dhe Edi Paloka janë kallëzuar penalisht nga kryeministri Edi Rama për shpifje. Ndërkaq, Arben Ristani, edhe nëse shpëton në Gjykatën e Lartë, mund të penalizohet nga procesi i dekriminalizimit të Parlamentit, për shkak se ka qenë i dënuar. Po ashtu, mandatin mund ta humbasin edhe deputetët Arben Ndoka dhe Pjerin Ndreu, gjithnjë nëse shpallen fajtorë nga Gjykata e Lartë.

Edhe Astrit Veliaj, mund të humbasë mandatin. Organi qendror i akuzës ka përgatitur një dosje voluminoze në ngarkim të deputetit të PD. Ndërkaq, ditën e hënë do të nisë një betejë e fortë për t?i hequr mandatin deputetit të PS, Koço Kokëdhima, i cili akuzohet se ka përfituar nga fondet publike. Partitë parlamentare pritet të zyrtarizojnë këto ditë kandidatët për zgjedhjet lokale të 21 Qershorit. Zyrtarizimi i tyre do të pasohet me një proces tjetër, atë të lënies së mandatit, duke u hapur rrugën për në parlament kandidatëve të radhës në listën shumëemërore të kandidatëve për deputetë në zgjedhjet e 23 Qershorit.





Lajmet e fundit nga