web counter
LEXO PA REKLAMA!

SHKARKO APP

App Store
Google Play

E fundit!

x

Kadilli: Rama mbron inkriminimin, patericën e tij në pushtet

4 Prill 2015, 13:13, Politikë CNA

Sekretari i Burimeve Njerëzore në PD, Fatbardh Kadilli, ka akuzuar kryeministrin Rama se ka dalë kundër dekriminalizimit. Kadilli theksoi se PD është e vendosur për ta bërë me çdo kusht dekriminalizimin për të shpëtuar vendin nga krimi.
Deklarata e plotë e Fatbardh Kadilli

“Edi Rama u shfaq sot sërish kundër dekriminalizimit, duke i shtuar avokatisë së tij për inkriminimin edhe shpifje të ulëta. Partia Demokratike nuk pret që Edi Rama, i cili u hapi banditëve, tutorëve e vrasësve dyert e pushtetit, te administratës dhe të Parlamentit, të jetë në favor të dekriminalizimit.

Ne nuk presim që Edi Rama të jetë në favor të interesit jetik të vendit që është çlirimi i politikës dhe zyrave nga të inkriminuarit. Dekriminalizimi sjell në fakt fundin e skemës politike të Edi Ramës, rrëzon patericën ku ai mbahet.

Nuk ka si të jetë pro dekriminalizimit një kryeministër që fsheh letrat e Interpolit për deputetin e tij që kërkohet për vrasje, dhe që ndikon drejtësinë për të dhënë pafajësi për vrasje, të gjitha këto për të mbyllur paktet e hesapet e tij dhe të ortakut Meta. Por dekriminalizimi është interesi më i lartë publik, dhe do të bëhet me çdo kusht.

Qytetarët shqiptarë, partnerët ndërkombëtarë dhe Partia Demokratike e kanë të palëkundur vullnetin për të shpëtuar vendin nga sundimi i krimit”





Lajmet e fundit nga