E fundit!

12:23 Aktualitet

Ja kush e merr drejtimin e Policisë së Vlorës

Edvin Ndreu i renditur me 84 pikë në garën për drejtoritë ...

Pasqyrimi në mendja i çështjes "Frroku", reagon Zv.Ministrja e Punëve të Brendshme

3 Prill 2015, 21:04, Politikë CNA

Permes nje deklarate per mediat, Elona Gjebrea, Zv.Ministria e Puneve te Brendshme ka reaguar lidhur me pasqyrimin ne media te ceshtjes “Frroku”. Gjebrea kërkon mirëkuptimin e mediave për të ruajtur identitetin e kësaj vajze, si dhe trajtimin e saj si viktimë të trafikimit njerëzor dhe jo me etiketimin e bërë nga ndonjë media si prostitutë.

Deklaratë e Koordinatores Kombëtare Antitrafik, zv.Ministres së Punëve të Brendshme Elona Gjebrea

Koordinatorja Kombëtare Antitrafik, Zv.Ministrja e Punëve Brendshme, Elona Gjebrea ka ndjekur me shqetësim mënyrën e pasqyrimit në media të detajeve që lidhen me çështjen e dosjes hetimore të shtetasit Mark Frroku në Belgjikë.

Nga monitorimi që i është bërë pasqyrimit të këtij lajmi në mediat audivizive si dhe portale të ndryshme informative rezulton se në disa prej tyre është publikuar i plotë emri i vajzës që është përfshirë në këtë ngjarje.

Koordinatorja Kombëtare Antitrafik kërkon mirëkuptimin e mediave për të ruajtur identitetin e kësaj vajze, si dhe trajtimin e saj si viktimë të trafikimit njerëzor dhe jo me etiketimin e bërë nga ndonjë media si prostitutë.

Konventa e Kombeve të Bashkuara kundër Krimit të Organizuar Ndërkufitar si dhe Konventa e Këshillit të Evropës për Masat kundër Trafikimit të Qenieve Njerëzore, të ratifikuara nga Republika e Shqipërisë përcaktojnë qartë se: ?Të dhënat personale të viktimës nuk mund të bëhen publike dhe mund të ruhen vetëm për qëllime specifike të ligjshme. Ato nuk mund të përdoren në asnjë mënyrë tjetër që lejon identifikimin e tyre?.

Duhet të jetë e qartë se kjo histori nuk ka të bëjë me një ?prostitute?, në të vërtetë ajo ka të bëjë me cënimin e të drejtave themelore njerezore të kësaj vajze. Pa pasur parasysh moshën, vendin nga vjen, arsimin ose të kaluarën, ajo grua është pikësëpari viktimë trafikimi.

Zbulimi i identitetit të saj mund të përbëjë rrezik për jetën e vajzës së shfrytezuar si punonjëse seksi në kohën e ngjarjes, veçanërisht në një çështje që është në hetim e sipër. Respektimi i këtyre të elementëve do të ndihmonte edhe vetë median për një pasqyrim sa më korrekt dhe etik të ngjarjes në të cilën është përfshirë një viktimë e trafikimit të qënieve njerëzore.