web counter
LEXO PA REKLAMA!

SHKARKO APP

App Store
Google Play

E fundit!

x

Ligji i ri për arsimin e lartë/ Tabaku: Paratë e shqiptarëve do t’i shkojnë universiteteve private

3 Prill 2015, 21:50, Politikë CNA

Deputetja e Partisë Demokratike Jorida Tabaku është shprehur se miratimi i ligjit të arsimit të lartë nga qeveria, i jep përfundimisht fund sistemit publik të arsimit dhe sipas saj paratë e taksapaguesve shqiptarë do t?i shkojnë universiteteve private. Përmes një postimi në rrjetin social Facebook, Tabaku shkruan se ky ligj e kthen arsimin e lartë publik në një luks për shqiptarët dhe përfundimisht e vendos shtetin në qendër të arsimit duke krijuar institucione që janë thjesht zgjatim i Kryeministrit. Ajo shton:
?Që nga Korriku i vitit të shkuar kur drafti i parë u bë publik kam kontestuar duke dhënë arsye konkrete se pse kjo nuk është reforma e duhur për Shqipërinë. Të gjithë ata studentë, pedagogë që e kanë kritikuar këtë reformë i mirëpres të më shkruajnë duke më dhënë mendimet e tyre dhe premtoj që unë dhe formca ime politike do ti paraqesim ato në cdo forum ku ky ligj dhe kjo reformë do të diskutohet.

Kjo reformë në të gjitha daljet publike u përball me kritika nga pedagogë dhe studentë sepse qe ndërtuar për së prapthi. E për shkak të metave që përmban qeveria ka zgjedhur ta kalojë në heshtje, duke mos denjuar as të publikojë variantin e miratuar ne faqen e kryeministrisë sic bëhet me cdo ligj tjetër.? përfundon deputetja demokrate Tabaku.





Lajmet e fundit nga