E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Opozita: Pushteti ka uzurpuar gjithçka

5 Prill 2015, 12:34, Aktualitet CNA

Tri partitë opozitare në Kuvendin e Kosovës, Lëvizja Vetëvendosje, Aleanca për Ardhmërinë e Kosovës dhe Nisma për Kosovën, njoftuan për mbajtjen e një proteste gjithëpopullore më 18 prill.

Drejtuesit e këtyre tri grupeve parlamentare në Kuvendin e Kosovës, thanë para gazetarëve se Kosova dhe institucionet e saj janë ?uzurpuar? nga qeverisja aktuale.

Shefi i Grupit Parlamentar të Vetëvendosjes, Glauk Konjufca, tha shkaqet se kryesore që kanë nxitur opozitën për të thirrur protestë janë dështimi i sistemit të drejtësisë, shtrenjtimi i energjisë elektrike, fakti që Forcat e Armatosura të Kosovës nuk do të operojnë në veri të Kosovës, si dhe çështja të tjera të rëndësishme, të cilat nuk po funksionojnë më qeverisjen aktuale.

?Drejtësia në Kosovë është uzurpuar dhe po kontrollohet nga grupet e krimit të organizuar. Në anën tjetër, qytetarët e Kosovës, janë me të varfrit në Evropë, por ata po i paguajnë faturat më të shtrenjta të çmimit të energjisë elektrike në Evropë?.

?Po ashtu, Televizioni Publik është kthyer në zëdhënës të qeverisë. Kosovës po i ndodh një erozion i vazhdueshëm i sovranitetit dhe integritetit territorial për shkak të qasjes së kësaj qeverie me negociata ndaj Serbisë, e cila na e solli Asociacionin e komunave serbe, si një entitet brenda shtetit tonë?, tha Konjufca.

Kurse, shefja e Grupit Parlamentar të Aleancës për Ardhmërinë e Kosovës, Donika Kadaj- Bujupi, tha se qeveria aktuale duhet të ndërrojë drejtim për gjendjen, në të cilën gjendet vendi dhe qytetarët e Kosovës. Në të kundërtën, siç tha ajo, kjo qeveri ?duhet të shkojë në shtëpi?.

?Thërrasim që protesta e datës 18 prill në orën 14:00, të jetë një protestë e gjithë qytetarëve të Kosovës, të cilët janë të pakënaqur me mënyrën se si i trajton kjo qeveri dhe me mungesën e llogaridhënies në temat, të cilat lidhen drejtpërdrejt me jetën e tyre dhe mirëqenien e fëmijëve të tyre dhe me të ardhmen e vendit tonë?, u shpreh Kadaj- Bujupi.

Ndërkaq, deputetja Valdete Bajrami nga partia politike Nisma për Kosovën theksoi se zhvillimet e deritashme dhe gjendja në Kosovë, e kanë detyruar opozitën që të bashkohen edhe një herë për këtë protestë gjithëpopullore.

?Qëllimi i thirrjes së protestës është ndryshimi i Qeverisë. Kemi shumë telashe në shumë institucione që nuk i kemi përmendur këtu, mirëpo për ato do të debatohet dhe do të ngrihen si çështje?.

?Duhet të marrë masa kryeministri me atë kabinet qeveritar dhe të bëjë ndryshim në formimin e politikave. Në rast se nuk bëhen ndryshime, atëherë ndoshta protestat e radhës do të jenë edhe për rrëzimin e kësaj qeverie?, tha Bajrami, deri sa për Televizionin Publik të Kosovës (RTK) tha se ?ai televizion vetëm i qytetarëve nuk është. Është i personave të caktuar dhe kontrolli mbi të duhet të ndalohet?.

Deputetët thanë se si opozitë në Kuvendin e Kosovës, nuk po arrijnë që të kenë ndikim për të ndryshuar gjendjen në të mirë të qytetarëve.

Deputeti Glauk Konjufca tha se ?në momentin kur pushteti e ngufatë çfarëdo ndryshimi nëpërmjet rrugëve dhe metodave institucionale, është e drejtë e qytetarëve që të organizohen për të arritur ndryshime”.

?Pushteti, duke filluar nga marrëveshjet që i bën me Serbinë, e deri te programi qeveritar, i konsideron deputetët e Kosovës si disa nxënës që ua jep një lektyrë shkollore për ta lexuar në shtëpi. Nuk shkon kështu, ne jemi deputetë të Republikës, jemi të zgjedhur të popullit. Ne duhet të jemi brenda proceseve, duhet ta dimë para se të arrihen marrëveshjet. Duhet të jemi pjesë dhe të japim sugjerimet tona që më të këqijat të mos na ndodhin?, theksoi Konjufca.

Deputetët Konjufca, Kadaj-Bujupi dhe Bajrami, thanë se protesta do të jetë paqësore dhe po ashtu theksuan se organizatorët e protestës do të shihen si kujdestarë në vazhdimësi.

Në ditët në vijim, thanë ata, kërkesat do të konkretizohen. Konjufca rikujtoi se sikur të mos ishin protestat qytetare për shkarkimin e Aleksandar Jablanoviq, ai do të ishte ende ministër.

Jabllanoviq, më 6 janar, i kishte quajtur “egërsira” protestuesit në Gjakovë, të cilët po përpiqeshin të pengonin disa pelegrinë serbë që të vizitojnë Gjakovën me rastin e Krishtlindjeve Ortodokse. Jabllanoviq ka kërkuar falje për deklaratën e bërë.

Partitë politike në opozitë, më 27 janar patën organizuar një protestë duke kërkuar shkarkimin e ministrit për Komunitete dhe Kthim në Qeverinë e Kosovës, Aleksandar Jabllanoviq, dhe shpalljes së kombinatit metalurgjik ?Trepça? si ndërmarrje e veçantë publike.

Protesta pati eskaluar dhe si pasojë rreth 80 persona, policë dhe protestues kanë kërkuar ndihmë emergjente.
REL