web counter
LEXO PA REKLAMA!

SHKARKO APP

App Store
Google Play

Pashkët/Papa Francesku, lutje e mesazhe për paqen në botë

5 Prill 2015, 10:49, Aktualitet CNA

Papa Francesku drejtoi 1.2 miliardë katolikët e botës për Pashkë për të tretën herë nga marrja e detyrës së shenjtë. Kleriku i lartë e përdori fjalën gjatë meshës në Vatikan për të apeluar ndjekësit e Kishës katolike të heqin dorë nga indiferenca dhe të jetojnë me guxim besimin e tyre në zot.
Papa Francesku apeloi në meshën e mbajtur në Shën Pjetër për paqe mbi të gjitha ën Siri dhe në Irak, në adresimin tradicional me rastin e Pashkëve. Ai apeloi komunitetin ndërkombëtar të adresojë tragjedinë e pamasë humaniatre në të dyja këto vende, e bëri thirrje edhe për paqe në Tokën e shenjtë, në Ukrainë, në Libi, Jemen, Nigeri, Sudan dhe në Kongo. Dhe një herë tjetër, iu referua persekutimit të të krishterëve në shumë vende.
Në sheshin e mbushur plot, pavarësisht shiut, me mijëra besimtarë dëgjuan fjalën e papës. ?I kerkojmë Jezusit, fitimtarit mbi vdekjen, të lehtësojë vuajtjet e vëllezërve e motrave tona që persekutohen në emër të tij dhe të gjithë atyre që vuajnë padrejtësi si rezultat i konflikteve dhe dhunës.
Papa apeloi komunitetin ndërkombëtar të mos qëndrojë në heshtje përballë tragjedisë që shpaloset në shumë vende të botës dhe dramës së refugjatëvetë panumërt.
Si çdo vit, papa Francesku ka pagëzuar edhe anëtarë të rinj të Kishës katolike, mes të cilëve këtë vit, ishte një vajzë 13 vjecare nga Kamboxhia si dhe një grua 66 vjecare nga kenia, vendi ku militantët e grupit islamik AL Shabaab ndanë veçmas të krishterët duke i vrarë me gjakftohtësi gjatë një sulmi në universitet javën që i parapriu Pashkëve.





Lajmet e fundit nga