web counter
LEXO PA REKLAMA!

SHKARKO APP

App Store
Google Play

Rama: Kërkohen ide dhe projekte për të realizuar ëndrrat

2 Prill 2015, 15:28, Politikë CNA

Kryeministri i vendit Edi Rama ka zhvilluar një takim në ambientet e kryeministrisë me fituesit e projektit të lancuar më parë “Ëndrra ime 2015”.  Gjatë fjalës së tij në prezantimin e nismës Rama iu është drejtuar fituesve duke i kërkuar që ta përçojnë këtë eksperiencë edhe te të rinjtë. Më pas shtoi se ky projekt duhet të përhapet në kulturën e çdo shkolle.

?Kërkohen ide dhe projekte për të realizuar ëndrrat. Ne duhet të nxisim kulturën e këtij projekti dhe ta përhapim atë në çdo shkollë. Ju që sot jeni shpallur fitues të këtij projekti duhet ta përçoni eksperiencën tuaj te rinjtë.  Këmbëngulja për ta realizuar duke bashkuar burimet njerëzore që dinë ta bëjnë atë punë, bëjnë diferencën. Nëse në fund të universitetit të rinjtë rrinë e presin në kafene që puna t’ju vijë në vend te kamerierit dhe t’ju thotë hajde se unë erdha dhe të shkojmë bashkë se ja ku më ke, apo tuu kërkojnë nënës dhe babait që të kërkojnë punë për ta, është një fatkeqësi e madhe.

Fatkeqësi sidomos në kohën kur Shqipëria është në rrugën e Bashkimit Europian, duhet të përgatitet gjithmonë e më shumë për projektet e besueshme. Ne kemi hapur edhe një program tjetër për ata që janë mbi 30 vjec, por me një fokus të qartë, si mund të punësoj veten time. Mundësia është në dorën e secilit, ne duam të hapim sa më shumë dritare që sa më shumë ide dhe përpjekje të kësaj natyre të gjejnë rrugën për tu realizuar? shprehet Rama.

 





Lajmet e fundit nga