web counter
LEXO PA REKLAMA!

SHKARKO APP

App Store
Google Play

E fundit!

x

Balla: Lulzim Basha në Kukës, si hajduti në shtëpinë e vjedhur

29 Mars 2015, 11:30, Aktualitet CNA

Deputeti i Partisë Socialiste Taulant Balla ka reaguar në rrjetin e tij social Facebook lidhur me akuzat e Lulzim Bashës gjatë protestës që opozita zhvilloi sot në qytetin e Kukësit. Në postimin e tij Balla shprehet se dosja e vjedhjes se 230 milionë eurove në rrugën e Durrës-Kukës, është një ndër dosjet më të rëndësishme në sfidën e drejtësisë shqiptare. Sipas tij Basha konkuron me veten e tij edhe për krimin e tradhtisë kombëtare.

?Dosja e vjedhjes së 230 milionë eurove në rrugën e Durrës-Kukës, në të cilën Prokuroria gjeti fajtor Lulzim Bashën dhe e depozitoi në Gjykatën e Lartë, është një ndër dosjet më të rëndësishme në sfidën e drejtësisë shqiptare për çrrënjosjen e pandëshkueshmërisë. Basha i shpëtoi gjykimit me procedura, ndër të cilat mbahet mend trupërisht përdorimi i raporteve mjekësore nga Basha si pamundësi për tu paraqitur në seancat hetimore.

Vonesa në dërgimin e dosjes në Gjykatë, ishte pazari i përkohshëm që mbajti Bashën larg dënimit, por jo për shumë kohë. Marrja me çdo kusht i drejtimit të PD ishte dhe është imuniteti i përkohshëm i Lulit. Sot Lulzim Basha udhëtoi në këtë rrugë të vjedhur prej tij. A nuk është provokim fakti që hajduti shkon serbes në “shtëpinë” e vjedhur prej tij? A nuk është turp qe Basha te flasë për dekriminalizim, kur krimi i tij është me i shtrenjti ne historinë e Shqipërisë, për nga vlera”, shkruan Balla.





Lajmet e fundit nga