web counter
LEXO PA REKLAMA!

SHKARKO APP

App Store
Google Play

Topalli: Edi Rama të japë dorëheqjen, bashkëqeveris me krimin

28 Mars 2015, 12:17, Politikë CNA

Ish kryetarja e Parlamentit Jozefina Topalli me anë të një postimi në rrjetin e saj social Facebook ka akuzuar kryeministrin Edi Rama si një  mashtrues të pafytyrë që nuk i mban premtimet. Në shkrimin e saj Topalli kërkon dorëheqjen e Ramës dhe të ndiqet penalisht për pengim të drejtësisë.

?Është fakt i njohur botërisht se Edi Rama nuk i mban premtimet, se ai është mashtrues dhe i pafytyrë!
Fatkeqësisht, ai nuk është vetëm kaq! Fatkeqësisht për vendin, Kryeministri i Republikës së Shqiperisë është arkitekti dhe zbatuesi i platformës për të ardhur në pushtet me krimin dhe për të bashkëqeverisur me krimin. Pas publikimit te dokumentave zyrtarë të prokurorisë belge, që provojne fjalë për fjalë cfarë i kemi thënë ne, Partia Demokratike, Edi Ramës, ai duhet të japë dorëheqjen?, shkruan Topalli.

Më tej Topalli vijon se është faktuar që ai ka qenë në dijeni, zyrtarisht, të identitetit të dyfishtë të deputetit të tij dhe kërkimit nga drejtësia belge për vrasje. Ajo që Topalli kërkon është ndëshkimi me votë i Rilindjes së Pushtetit të Krimit nëpërmjet Ramës dhe Metës.

?Fshehja e këtij dokumenti prej një viti, siç fshehu marrjen nën mbrojtje të trafikantit të drogës nga deputeti i tij, siç fsheh, besoj, edhe fakte të tjera të lidhjeve direkte me krimin, faktojnë të vërtetën se Edi Rama u bë ortak me krimin për të ardhur në pushtet dhe për t’u pasuruar bashkë me krimin. A pres unë që Edi Rama ta mbajë premtimin? Jo! Unë nuk jam naive! Metastazat e bashkëqeverisjes me krimin kanë hyrë shumë thellë në Shqipëri. Ajo që unë pres me shpresë dhe besim është vendimi i shqiptarëve për ta ndëshkuar me votë Rilindjen e Pushtetit të Krimit nëpërmjet Edi Ramës dhe Ilir Metës?, përfundon shkrimin e saj Topalli.





Lajmet e fundit nga