web counter
LEXO PA REKLAMA!

SHKARKO APP

App Store
Google Play

E fundit!

x

Çështja “Doshi”/ PE: Nuk është mirë të kërkoni ndihmën e ekspertëve të huaj

28 Mars 2015, 07:57, Politikë CNA

 

Deputetja e Parlamentit Evropian, Monica Macovei, është shprehur gjatë një interviste për ?Top Channel? se çështja ?Doshi?duhet zgjidhur nga vetë institucionet e vendit. Sipas saj kjo është shumë e rëndësishme për të treguar hapat që ka bërë Shqipëria në drejtësi.

?Nuk jam në gjendje të them nëse kërkesa e prokurorisë për heqjen e imunitetit dhe ndalimin e këtyre dy deputetëve bazohet në prova dhe se është marrë në mënyrë të pavarur, jashtë influencave. Unë vetëm shpresoj se ka ndodhur kështu. Por, në fund do ta shohim, kur ato të bëhen publike, nëse ka vepruar drejt. Prandaj them hetime me rezultate. Njerëzve u duhet dhënë një përfundim bazuar në provat e publikuara. Njerëzit duhet të kenë besim në sistem dhe ju tani jeni në një moment delikat. Kur nis të bësh ndryshime, disa njerëz do dyshojnë, nëse është e vërtetë dhe nëse ka ndikime. Kur është real, serioz dhe pa influenca interesash, ka rezultate dhe evidenca për të treguar, duke i bindur njerëzit në Shqipëri, jo neve. Ne ju besojmë.  I shohim këto akuza dhe do presim që të shohim arsyetimin, evidencat, dhe rezultatin përfundimtar?. Lidhur me kërkesën e ish­deputetit Tom Doshi për ekspertë të huaj në këtë hetim, Macovei tha: ?Nuk është mirë që vendi të kërkojë ndihmën e ndërkombëtarëve për hetimet, për prokurorë e gjykatës të huaj. E kam dëgjuar dhe këtë. Juve ju është dhënë statusi kandidat dhe tani flasim për të hapur negociatat e anëtarësimit me BE­në, pra jeni në rrugën e duhur. Një prej reformave më të rëndësishme është ajo në gjyqësorit dhe ju thoni ?kemi bërë hapa të mirë për këtë?. Si ka mundësi? Nuk ka asnjë prokuror e gjykatës të ndershëm, të drejtë e të pavarur në Shqipëri për ta bërë këtë punë? Nëse ju veproni kështu, do e shihni se gjithçka do të bllokohet dhe nuk do të hapen negociatat ?, u shpreh eurodeputetja





Lajmet e fundit nga