web counter
LEXO PA REKLAMA!

SHKARKO APP

App Store
Google Play

E fundit!

x

Çdo vit institucionet arsimore do të paraqesin prioritetet e tyre

25 Mars 2015, 16:10, Aktualitet CNA

Çdo vit, çdo institucion arsimor apo universitet, do të mund të përcaktojë prioritetet për tu përshtatur më pas me tregun e punës. Ky ka qënë theksi i takimit të organizuar të mërkurën, në ambientet e EU Info Centre , në Tiranë, falë projektit-studimit ?Ofrimi i Arsimit të Lartë dhe Mundësitë e Tregut të Punës në Vendet e Ballkanit Perëndimor?.

Për lançimin e këtij projekti, në takim ishin të pranishëm, Xheni Sinakoli, menaxhere e programit , zv/ministri i Arsimit dhe Sportit Arbian Mazniku, zv/ministrja e Mirëqënies Sociale dhe Rinisë Gentiana Sula.

Zv/ministri i Arsimit dhe Sportit, Arbian Mazniku u shpreh se ?është kënaqësi të ndajmë fillimin e këtij projekti, që do të mund të bëjë lidhjen mes studentëve dhe tregut të punë?.?Në thelb ky studim ka qëllim përmiresimin e arsimit dhe presupozon që çdo vit çdo institucion dhe universitet arsimor të mund të përcaktojë prioritetet e tij në mënyrë autonome.?, tha Mazniku.

Sipas tij, studimi në fjalë është në tentativat e para për këtë fushë dhe kjo do të mund të ndihmojë që të krijohet një raport koherent mes asaj që studjohet dhe nevojave që ka tregu . Ky projekt-studim synon të vlerësojë përputhjen e programeve të ofruara nga Institucionet e Arsimit të Lartë me nevojat që ka tregu i punë si dhe përputhshmërinë që ka aftësimi i studentëve në raport me punësimin. Nëpërmjet këtij studimi, do të mund të kuptohen sfidat që ndesh një i sapo diplomuar si dhe lidhjen treg-studentë.





Lajmet e fundit nga