E fundit!

07:28 Aktualitet

Shteti duhet të paguajë 180 milionë euro për arbitrazhet ndërkombëtare

Detyrimet që lidhen me vendimet e arbitrazheve ndërkombëta...

5 teoritë kryesore rreth Trekëndëshit të Bermudës

22 Mars 2015, 21:33, Aktualitet CNA

Trekëndëshi i Bermudës (i njohur ndryshe Trekëndëshi i Djallit) është një zonë që lidh një pikë në Bermuda, një në Florida dhe një në Puerto Riko, në të cilën anije dhe avionë janë zhdukur në mënyrë të mistershme në ujë dhe ajër, pa lënë asnjë shenjë. Disa njerëz kohët e fundit kanë hedhur teori të ndryshme në lidhje me zhdukjen e Fluturimit MH370 të Malaysia Airlines, edhe pse avioni rezultoi i zhdukur në gjysmën e botës.

Shumë studime shkencore janë bërë në atë zonë, të cilat tregojnë që nuk ka asgjë të dyshimtë dhe se avionët dhe anijet e zhdukura janë pasojë e aksidenteve të shumta dhe arsyeja përse ato nuk janë gjetur është se janë fundosur në thellësitë e oqeaneve. Megjithatë skeptikët nuk binden nga këto studime shkencore dhe disa herë i konsiderojnë edhe të pavërteta ose trillime, që sipas tyre fshehin një mister më të thellë se ana sipërfaqësore e zhdukjeve. 5 teoritë kryesore rreth misterit të Trekëndëshit të Bermudës:

1. Atlantis

Disa besojnë se në thellësitë e Trekëndëshit të Bermudës ndodhen rrënojat e qytetitërimit të Atlantis, ku mes tyre ndodhet një kristal i madh, që dikur furnizonte qytetin energjikisht, i cili edhe tani ndërhyn në sinjalet elektronike të anijeve dhe avionave.

2. Zonë eksperimentesh nga bashkëpunimi njerëz-alienë.

Një mit tjetër thotë që UFO-t vizitojnë shpesh këtë zonë dhe aty ka portale udhëtimi, në të cilat anijet dhe avionët kanë ngecur ndërmjet dimensioneve.
Gjithashtu, disa teori insistojnë se qeveritë tonë botërore kanë punuar me jashtëtokësorët dhe ky vend është një bazë testimi për teknologjinë aliene-njerëzore.

3. Moti dhe ndryshimet magnetike.

Trekëndëshi i Bermudës është gjithashtu i njohur për stuhitë e forta dhe me intensitet të lartë, pasi masat e ngrohta dhe të ftohta të ajrit përplasen sipër oqeanit. Ka fjalë se busullat rrotullohen në mënyrë të pakontrollueshme. Trekëndëshi i Bermundës është një nga dy vendet e vetëm në botë, ku busulla tregon Veriun e vërtetë në vend të Veriut Magnetik.

4. Piratët

Është fakt i njohur që piratët kanë frekuentuar këtë zonë dhe mund të kenë dorë në zhdukjen e anijeve?por e njëjta gjë s?mund të thuhet për avionët e zhdukur.

5. Meteori që goditi Tokën para 11 mijë vitesh

Një teori e vjetër flet për një meteor 11 000 vjeçar, i cili kishte aftësi të çuditshme elektromagnetike, të cilat mund të çorientojnë busullat dhe mjetet e tjera të navigimit.