web counter
LEXO PA REKLAMA!

SHKARKO APP

App Store
Google Play

Turpi i Zvicrës/ Fëmijët përdoreshin si krah i lirë pune

22 Mars 2015, 16:16, Aktualitet CNA

Me mijëra njerëz në Zvicër që kur ishin fëmijë ishin detyruar me forcë të punonin, po kërkojnë kompensim për fëmijëritë e tyre ?të vjedhura?. Që prej viteve 1850 me qindra mijë fëmijë zviceranë u morën nga prindërit e tyre dhe u dërguan në ferma, një praktikë që vijoi deri vonë në shekullin e njezetë.

Një nga këta persona që kërkojnë dëmshpërblim është David Gogniat. AI tregon sesi në fëmijërinë e tij kishte parë nënën të shtynte policët që trokisnin në derë. Një ditë më pas, dy policë kishin ardhur sërish, njëri kishte mbajtur nënën e tij, dhe tjetri e kishte marrë me forcë.
Në moshën tetëvjecare, praktikisht ai ishte rrëmbyer dhe dërguar në një fermë për të punuar. Edhe sot e kësaj ditë David nuk e ka idenë përse ndodhi kjo.

Në vitet e para të fëmijërisë së tij, aid he vëllezërit e motrat më të rritur kishin jetuar vetëm me nënën. Ata ishin të varfër, por fëmijëria e tij kishte qenë e lumtur deri atë ditë të vitit 1946, kur ai erdhi nga shkolla në shtëpi dhe nuk I gjeti më vëllezërit dhe motrat.
Një vit më vonë ishte radha e tij.

Ai u dërgua në një shtëpi të vjetër ferme dhe u bë krah pune. Zgjohej në 6 të mëngjesit dhe punonte para dhe pas shkollës.

Një burrë që impresionon me fizikun e tij në moshën 70 vjeçare, duket I prekur kur përshkruan dhunën e vazhdueshme nga babai I tij adoptive.

Ky fenomen shpjegohet me politikën e kohës. Kur një fëmijë mbetej jetim apo ishte lindur nga një prind I pamartuar, kishte druajtje se ai do të neglizhohej, apo në kushte varfërie dhe kështu ndërhynte komuniteti. Autoritetet përpiqeshin të gjenin mënyrën më të lirë për t?u kujdesur për këta fëmijë dhe ata i merrnin nga familjet dhe I dërgonin në familje birësuese.

BBC Magazine





Lajmet e fundit nga