“Laja” e Arsimit uzurpon Universitetin e Durrësit, ja e vërteta e fleshit mediatik

18 Mars 2015, 20:00, Aktualitet CNA

Skandal i paprecedentë me protagoniste ministren e Arsimit dhe Sportit, Lindita Nikolla. Pas hartimit vulgar ?mbresa nga një film?, me të cilin u gajasën mijëra mësues në 7 Mars, ministrja e Arsimit ka dhunuar dje Universitetin e Durrësit, duke uzurpuar me stafin e saj, zyrën e dekanit. Ky shou ngjasonte më shumë me sekuencat e filmit ?Kur hidheshin themelet?, ku personazhi Laja, me kobure në brez, ndeshej me armiqtë e klasës. Fleshi i djeshëm mediatikisht një version modern ku ?Laja? e armatosur ishte zëvendësuar nga ?Laja? e Arsimit, e cila kërcënonte ne tempullin e dijes profesorë me tituj dhe grada shkencore, pa dyshim jo si masteri i saj në UFO.

Skandali është i paprecedentë. Akti është primitiv dhe i dënueshëm. Një mosmarrëveshje mes dekanit dhe rektorit nuk mund të zgjidhet me kobure dhe shfaqje të tilla agresive, por zgjidhet me gjykatë, me shkresa, me urdhëra dhe me gjithçka që parashikon ligji. Nuk mundet që ministrja të përdhosë lirinë akademike dhe autonominë e universitetit, aq më tepër të drejtuesve të zgjedhur dhe jo të emëruar. Nuk mundet ministrja të marrë rolin e forcave të policisë dhe të bëjë shou me dekanin dhe rektorin. Po çfarë ka ndodhur në Universitetin e Durrësit? Rektori Mit?hat Mema ka pezulluar Dekanin e Universitetit e Durrësit, Elmas Leci, për disa shkelje të pretenduara. Ministrja e ka rrëzuar pezullimin jashtë afatit. Ministrja e ka rrëzuar pezullimin pas 36 ditësh, kur vendimi duhej të merrej brenda 30 ditëve. Çështja ka ndjekur rrugën ligjore dhe është aktualisht në Gjykatën Administrative. Pikërisht në këto kushte, ministrja shkon në zyrat e Universitetit të Durrësit, për të zgjidhur një konflikt personal që zgjidhet me polici, prokurori dhe gjykata.

E vërteta e konfliktit Dekani i komanduar ka qenë Afrim Krasniqi prej një muaji dhe deri dje zyra ka qenë në posedimin e tij. Dje ministrja mori me dhunë çelësat e zyrës dhe bëri shou mediatik skandaloz, duke përçudnuar realitetin. Pas shou në zyrën e dekanit, ministrja ka hyrë në mënyrë të jashtligjshme në zyrën e rektorit ku u përfshinë në një debat të ashpër për kompetenca. Ndërkaq, dekani i pezulluar, Elmas Leci, ka dhënë versionin e tij. ?Unë jam ndëshkuar me pezullim nga detyra se kam denoncuar korrupsionin ekonomik dhe nepotizëm në emërimet në Universitet. Edhe pse ministrja nuk e ka miratuar pezullimin, me urdhër të Rektorit jam izoluar për dy muaj me radhë në një zyrë të pa pajisur me mobilie normale. Gjithashtu më detyronte që çdo ditë të firmosja një procesverbal qe tregonte se kam hyrë në zyrë, nuk kisha të drejtë të dilja as për kafe?, tregon Leci. Nikolla Ministrja e Arsimit dhe Sporteve, Lindita Nikolla, tha se është një ngjarje e rëndë dhe po ndiqen procedurat e shkarkimit të rektorit të Universitetit ?Aleksandër Moisiu?.

?Sigurisht që do të merren masa për këtë rast flagrant. Është një ngjarje e rëndë dhe ne jemi për mbrojtjen e të drejtave njerëzore, të drejtave akademike dhe në respekt të ligjit. Po shikojmë procedurat për shkarkimin, për çuarjen përpara përgjegjësive ligjore të gjithë atyre që kanë faj, në rastin konkret, të z.Mit?hat Mema?, deklaroi ministrja. Nikolla tha gjithashtu se ishte lajmëruar dy herë nga Leci për atë që i kishte ndodhur. ?Nuk e kuptoj se si mund të jetë e mundur që të ndodhin situata të tilla në arsimin e lartë dhe jo vetëm. Ka pasur një denoncim disa ditor të dekanit të Shkencave Juridike, që ai po keqtrajtohej nga rektori i universitetit, në kundërshtim të urdhrit të ministrisë për rikthimin në detyrë, profesori ankohej. Ka pasur një shkresë të dytë nga ministria, por edhe kjo nuk është zbatuar, duke denigruar figurën akademike?, tha ministrja Nikolla

Gazeta ?Sot?