web counter
LEXO PA REKLAMA!

SHKARKO APP

App Store
Google Play

Programi bërthamor/Sauditët: Nëse i lejohet Iranit, na lejohet edhe ne

16 Mars 2015, 10:49, Kosova & Bota CNA

Familja mbretërore saudite paralajmëroi se një marrëveshje me Iranin për programin bërthamor mund të nxisë shtete të tjera në rajon të zhvillojnë kapacitete atomike për të shfrytëzuar energjinë.
Princi Turki al-Faisal tha për BBc-në se Arabia Saudite mund të kërkojë pas një marrëveshjeje me Iranin, që edhe ajo të ketë të njëjtën të drejtë, sikundër edhe kombe të tjera në rajon. Gjashtë fuqitë botërore po negociojnë një marrëveshje që synon kufizimin e aktivitetit bërthamor të Iranit por jo dhënien fund të tij.
Kritikët kanë argumentuar se marrëveshja mund të nxisë një garë të re të armëve bërthamore në rajon, e që e ka bazën në rivalitetin e madh që ekziston mes sauditëve dhe iranianëve.
?E kam thënë gjithmonë se çfarëdo që del nga këto bisedime, ne do të duam të njëjtën gjë?, tha princi saudit, ish shef i shërbimeve sekrete të këtij vendi. Sipas tij, nëse Iranit i lejohet të pasurojë uranium në çfarëdo niveli, nuk është vetëm Arabia Saudite që do ta kërkojë një gjë të tillë edhe për vete.
?E gjithë bota do të ketë një derë të hapur për të shkuar kësaj rruge, e ky është objeksioni që unë jam ndaj procesit të bisedimeve mes Iranit dhe gjashtë fuqive të mëdha?, theksoi princi.





Lajmet e fundit nga