web counter
LEXO PA REKLAMA!

SHKARKO APP

App Store
Google Play

E fundit!

x

Ndëron jetë në moshën 86-vjeçare studiuesi Petro Zheji

15 Mars 2015, 09:45, Aktualitet CNA

Një nga figurat më të shqurara të gjuhësisë, përkthyesi dhe studiuesi i njohur shqiptar Petro Zheji është ndarë nga jeta mbrëmjen e djeshme në moshën 86- vjeçare. Homazhet në nder të tij do të zhvillohet ditën e sotme në Muzeun Historik Kombëtar nga ora 14:00 deri në orën 15:00. Profesor Petro Zheji, lindi në Tiranë më 18 Tetor 1929. Që në moshë fare të re, u shqua për një talent të rrallë në njohjen dhe zotërimin e gjuhëve të huaja.

Poliglot që njihte me themel shqipen dhe filozofinë e saj, njihte e zotëronte deri në rrënjë edhe gjuhën italiane, frënge, angleze, spanjolle, gjermane, ruse, hebraishten, sanskritishten e vjetër, greqishten e vjetër dhe latinishten.

Petro Zheji realizoi mbas një pune të thellë dhe të pandërprerë, studimin e tij me dy vëllime ?Shqipja dhe Sanskritishtja?, dy vëllime. Vepra është një monument mendimi shkencor dhe akademik, mes dialogimeve të historisë dhe filologjisë, filozofisë dhe matematikës, simbolikës dhe kozmogonisë, religjionit dhe interpretimeve transhedentale.

Studiues të ndryshëm, në vlerësim të kësaj vepre, gjykojnë se ajo, tejkalon të gjitha studimet e mëparshme që e trajtojnë gjuhën thjesht si një materie gramatikore të disiplinuar apo si etimologji historike e krahasuar.

Ndër përkthimet me kryesore veçohen:
1. Ringjallja ? Leon Tolstoi
2. Vilet e zemërimit ? John Steinbeck
3. Zoti President ? Migel Asturias
4. Don Kishoti ? vol i Dytë, Migel Servantes
5. Galileo Galilei ? Bertold Breht

Studimet Gjuhësore:
1. Shqipja dhe Sanskritishtja ? dy vëllime
2. Libri i aforizmave
3. Roli mesianik i gjuhës shqipe

Për humbjen e studiuesit ka reaguar edhe kryeministri Rama. ?Trishtim i thelle per humbjen e Petro Zhejit ustai i pashoq i gjuhes qe e beri Don Kishotin te fliste ne shqip si te ishte lindur aneve tona?, shkruan kryeministri ne Twitter.





Lajmet e fundit nga