web counter
LEXO PA REKLAMA!

SHKARKO APP

Franca “fiton” betejën e euro-Vaterlosë, Belgjika tërheq dizenjon

12 Mars 2015, 14:29, Aktualitet CNA

Belgjika tërhoqi nga qarkullimi monedhën dyeuroshe e cila përkujton në dizenjon e saj Betejën e Vaterlosë. Raportimet thonë se tërheqja erdhi pas një proteste të Francës e cila kishte bërë vërejtje të shumta për dizenjimin e monedhës që tregonte memorialin Lion Hill, që shënon betejën e qershorit 1815 në afërsi të Brukselit.

Qeveria franceze tha se monedha përmbante një simbol negativ për disa europianë. Nuk ka pasur koment zyrtar nga Belgjika por një zëdhënëse u ankua se 180 mijë monedha jaë stampuar tashmë.

Një letër që Franca dërgoi për të ndaluar monedhën argumenton se mposhtja e Napoleonit ishte një ngjarje me ndikim të veçantë në memorjen e përbashkët europiane dhe shkonte përtej një konflikti ushtarak.
Monedhat e stampuara në këtë mënyrë, sipas Parisit, do të sillnin një reagim të pafavorshëm në Francë , në një kohë që qeveritë e eurozonës po përpiqen të forcojnë unitetin dhe bashkëpunimin.

Një zyrtar i cituar nga Reuters tha se monedhat janë tërhequr nga qarkullimi, edhe pse nuk ka ende konfirmim zyrtar.





Lajmet e fundit nga