web counter
LEXO PA REKLAMA!

SHKARKO APP

Fakultetet rrëzojnë edhe draftin e dytë të MAS për arsimin e lartë

12 Mars 2015, 10:25, Sociale CNA

Drejtues të fakulteteve në Universitetin e Tiranës kanë kritikuar ashpër edhe draftin e dytë për arsimin e lartë, duke deklaruar se janë marrë për bazë vetëm një pjesë e vogël e sugjerimeve të tyre. Edhe pse gjatë prezantimit të këtij projektligji, drejtues të Ministrisë së Arsimit u shprehën se janë marrë një pjesë e madhe e sugjerimeve, universitetet kanë sërish ankesa mbi këtë draft, sidomos tek pjesa e autonomisë.

Në një reagim për gazetën ?Sot?, Dekani i Fakultetit të Historisë dhe Filologjisë, Shezai Rrokaj, u shpreh se në draft duhet që të pasqyrohen më shumë sugjerime të universiteteve. ?Janë marrë për bazë vetëm një pjesë e tyre. I kemi dërguar Ministrisë së Arsimit një listë tjetër me sugjerime?, deklaroi ai. Aktualisht drafti është ende në konsultim me grupet e interesit dhe fakultetet presin që të reflektohen të gjitha sugjerimet e tyre, sidomos sa i përket disa instancave që parashikon ligji, siç është Bordi i Akreditimit apo Agjencia e Kërkimit Shkencor. Në këtë pikë nuk ka pasur ndryshime dhe pedagogët shprehen se projektligji rrit kontrollin e shtetit mbi universitet. Edhe në draftin e parë pedagogët e kritikuan ashpër draftin pikërisht për këtë pjesë duke thënë se shteti po përpiqet të rrisë kontrollin.





Lajmet e fundit nga