E fundit!

10:19 Aktualitet

PS propozon projektligjin për Turizmin: Të pezullohen ndërtimet gjatë sezonit

Kreu i grupit parlamentar i PS Taulant Balla në seancën e ...

Tropoja që une dua.............

11 Mars 2015, 10:36, Aktualitet CNA

Patrik SADIKAJ

Megjithëse jetoj prej shumë vitesh në Tiranë, me plot gojën e them se jam malësor: Lindur dhe rritur në Tropojë. Vitin e ardhshëm mbushen 20 vjet që mora rrugën ende fëmijë për të ndjekur ëndrrat e moshës. Fakultetin e gazetarisë e më pas punën fantastike në media. Sigurisht herë mirë e hero jo, jam munduar të bëj më të mirën e mundëshme për veten time dhe pë rata që më kanë lëxuar, dëgjuar apo shikuar në media. Kjo nuk vlerësohet dot prej meje, por prej atyre që më kanë ndjekur.

Megjithatë ajo që dua të them me këtë status paksa të gjatë është fakti se vendlindja ime mbetet absolutisht prioriteti kryesor pas familjes sime. 20 vjet nuk janë pak por as shumë por fizikisht kam qënë larg, shpirtërisht gjithmonë aty. Në atë vend të bukur, me njerëz bujarë e të mençur. Kam parë sesi ka ndryshuar Tropoja, si e kanë shkatërruar herë pas here. Kam parë çfarë është bërë dhe nuk është bërë për të. Si jetojnë njerëzit në atë tokë të bekuar nga zoti me mrekulli që nuk mund të përshkruhen dot.

Unë jam thjeshtë një prej qytetarëve të asaj zone, nuk përfaqësoj njeri tjetër në mendimin tim askënd përveç vetes sime. Por dua të them diçka meqë jemi në një moment ku kjo trevë ka për të vendosur ashtu si gjithë Shqipëria se çfarë duhet të bëjë me këtë pasuri të madhe që ndoshta politika ose e ka përçmuar ose e ka nënvlerësuar, por asnjëherë ska bërë atë që duhet të bëjë për të kthyer parajsën natyrore në parajsë njerëzore. Nuk kam ndërmend të merrem me emra as me parti në këto fjali që janë më shumë shqetësim shpirtëror. Nuk do them se kujt duhet t?ia besojmë Tropojën në zgjedhjet e ardhëshme, por dua të them se çfarë duhet që Tropoja të marrë atë që I takon.

Duke qënë tashmë një njësi e vetme vendore, pra një bashki me gjithë komunat që shkrihen atëherë banorët e kësaj zone duhet të japin çdo ditë mendimin, idenë e tyre sesi duhet zhvilluar kjo zonë: ekonomikisht, në aspektin social dhe mbi të gjithë potenciali turistik që ka ky vend. Është shumë e rëndësishme që të ndërtohet një projekt i përbashkët mes atij që do të jetë kryetari I bashkisë dhe qytetarëve që do tëp resin prej tij projektin e zhvillimit.

Nga gjërat e thjeshta infrastrukturore deri tek zhvillimi I bujqësisë, pemtarisë e blegtorisë. Dikur Tropoja ishte vendi më pjellor në pemtari. Sot na është zhdukur kjo traditë. Mjafton një mbështetje që të rivitalizohet kultivimi I kumbullës, qershive dhe gështenjat që për fat të keq kalben ende pa ardhë dimri se nuk ka një industry përpunuese. Blegtoria është ende një formë primitive shfrytëzimi. Duhen baxho ose pse jo dhe fabrika qumështi e kosi, duhet një fabrikë përpunimi mishi që të mos hedhim sytë vetëm nga Kosova. Duhen projekte për hamronizimin e rrugëve, arkitekturën e qytetit në rradhë të parë e më pas të gjithë fshatrave. Të ketë një inisiativë konkrete për të të ruajtur trashëgiminë arkitekturore të kullave, trashëgiminë kulturore e historike. Por edhe zakonet shumë të pasura të kësaj zone me shumë vlera.

Zonave të thella malore u duhet edhe spital, ambulancë se nuk mund të presim vetëm çfarë ofron spitali I qytetit dhe në rastin më të shpeshtë ai I Gjakovës. Turizmi është një tjetër armë e fortë që duhet projektuar bashkë nga qytetarët që tani. Nuk mjafton vetëm natyra e mrekullueshme. Duhen edhe investime që turistët të mos vinë vetëm për gatimin, port e kënë edhe teleferikun, pistën e skive dhe pishinat në majë të bjeshkëve. Valbona, Nikaj Mërturi, bjeshkët e panumërta të verimit mund të jenë shumë mirë një Zvicërr e vogël shqiptare. Por këto bëhen nga të gjithë bashkë, jo vetëm me një votë që hidhet e më pas secili në hallin e vet. Unë mund të kem harruar shumë gjëra, por secili duhet të përfshihet në projektet e të ardhmes së Tropojës e të ndërtojmë të ardhmen e saj dhe bashkë me të edhe tonën. Të gjithësecilit që jeton në këto troje kreshnike dhe të gjithë atyre që kanë ikur por që si dhe unë kokën e kanë të kthyer prej majës së Shkëlzenit dhe grykës së Valbonës. Unë jam krenar që jam prej këtij vendi.