E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Kush ka frikë nga protesta e opozitës?

11 Mars 2015, 10:00, Aktualitet CNA

Partia Demokratike ka njoftuar një protestë nësër në shëshin ?Skënderbej?. Protestë që vjen menjëherë pas akuzës për tentative vrasje, drejtuar kreut të kuvendit Ilir Meta, nga deputeti socialist i Shkodrës, Tom Doshi.

Një akuzë e cila po përpiqet të behet e pabesueshme nga mediat e qeverisë, por në fakt nxitimi dhe mohimi i tyre tregon se qeverisë i djeg diku. Kjo për faktin se është vetë qeveria, Ministri i Brendshëm dhe Kryeministri që për 6 muaj nuk kanë kryer asnjë veprim për këtë akuzë, por mënjeherë pasi ajo u bë publike vrapojnë si të ?cmendur? në prokurori dhe përpiqen me cdo mjet ta bëjnë sa më të pabesueshmë akuzën. Fakti që qeveria dhe mediat e saj kërcejnë menjëherë dhe me akuza pa kontrroll, tregon panikun e tyre për këtë ngjarje.

Protesta e organizuar nga PD, ka zgjeruar në fakt fokusin e qytetarëve që ftohen në shesh. Opozita ju është drejtuar qytetarëve më disa fakte, sic janë terrori që kohët e fundit goditi vetë familjen e Minisatrit të Brendshëm. Mjerimi që e thonë vetë statistikat zyrtare që ka një thellim të varfërisë. Mungesa e sigurisë publike etj. Akuza politike ndaj Ilir Metës është vetëm një nga pasazhet e opozitës.

Pra thelbi i protestës është situate politike, rendi, siguria dhe problematikat sociale të vendit. Protestë që në fakt pritet të ketë mbështetje të madhe popullore. Keto informacione po e trembin qeverinë, Ramën apo vetë Ilir Metën që është në panikun e akuzës për tentativë vrasje, jo nga opozita por nga një deputet socialist, miku më i ngushtë i kryeministrit deri dje.

Për të ulur pjesmarjen dhe për të trembur qytetarët qeveria, PS-ja LSI-ja dhe veglat e e tjera si mediat pranë tyre po përpiqen të japin alarmin e një proteste të dhunshme.

Fillimisht u tha se ?do vinte Toma me trimat e tij të 21 janarit?. Në fakt ata janë socialistë që dolen kundër Ilir Metës në atë kohë dhe mund të dalin prapë kundër Ilir Metës edhe sot, por protestën e bën PD dhe cfarë është në gjendje të organizojë, e tregoi protesta e 22 nentorit përpara kryeministrisë. Asnjë element nuk do mundet të krijojë incidente ose dhunë, vetëm në rast se janë njerzit e Ramës dhe Metës që kërkojnë prishje të imazhit të opozitës gjatë kësaj proteste.

Më tej mediat pranë qeverisë folën për elementë të dhunshëm, më tej akoma qeverria na tha se do rrethohet Kuvendi dhe do qëllojnë me domate ose vezë. Të rrethohet kuvendi si në Ukraine dhe të qëndrojnë njerëzit aty derisa të japë dorheqjen Ilir Meta, është krejt normale. Për vezë dhe domate, nuk hedhin se iku koha kur PS dhe trimat e saj qëllonin jo me perime apo produkte shtazore, por me hunj dhe tulla mbi policisë.

Rama ? Meta nuk kanë pse të jenë në panik dhe të hapin parrulla të tilla, por duhet të presin me qetësi protestën e opozitës, e cila ka të drejtën e saj legjitime të protestoje, pas zullumeve të qeverisë dhe akuzave për tentative vrasje të hedhura nga një deputet i mazhorancës.

Barcaletat me vezë e domate nuk bëjnë me efekt, njerzit e kuptojnë lehtësisht se këto janë skenarë tashmë të dalë boje që nuk i shërbejnë për asgjë qeverisë. Sa më shumë shpikje të tilla të kenë pushtetarët aq më shumë njerëz do ketë në protesta.

Sikleti i qeverisë për pjesmarjen në protestën e opozitës dhe gjendjen skandaloze ku ndodhet mazhoranca qeverisëse, është shkaku i panikut dhe veprimeve më shumë se qesharake, nga lajmet për ?Trimat e Tomës në protestë?, tek fruta-perimet dhe produktet shtazore.

Frike nga protesta ka Edi Rama dhe Ilir Meta, ky i dyti pasi u kap i gjalle si hajdut po akuzohet edhe si porosites vrasjesh. Kriminale.

Askush nuk ka pse të ketë frikë nga protesta, ata që sulmonin policinë dhe organizonin 21 janarin tashmë janë në pushtet, kurse qytetarët do jenë nesër përballë tyre.

Elvi FUNDO