web counter
LEXO PA REKLAMA!

SHKARKO APP

App Store
Google Play

Vetëm dy ndërmarrje ujësjellësi me fitim për vitin 2014

27 Shkurt 2015, 08:33, Aktualitet CNA

Ndërmarrjet e ujësjellësit kanë përmirësuar administrimin duke ngushtuar mbulimin e kostove me të ardhurat gjatë vitit 2014. Sipas të dhënave zyrtare nga Enti Rregullator i Ujit.

Ndonëse të gjitha shoqëritë e analizuara mbulojnë kostot e operimit dhe mirëmbajtjes, vetëm dy prej tyre, sh.a UK Gjirokastër Qytet dhe sh.a UK Ersekë, mbulojnë edhe kostot totale.

Sipas ERU ndikim në përmirësimin e situatës financiare të ndërmarrjeve kanë pasur rritja e tarifave vitin që shkoi për disa shoqëri dhe përmirësimi i matjes në disa të tjera.

Shoqëritë sh.a UK Korçë, sh.a UK Sarandë, sh.a UK Berat ? Kuçovë, sh.a UK Lezhë, sh.a UK Fier, sh.a UK Lushnjë në vite kanë kryer investime, financimi i të cilave është bërë nëpërmjet kredive, kështu që aktualisht ato janë të detyruara të paguajnë interesat e kredisë si edhe kanë filluar dhe shlyerjet e kësteve të plota (principalet e kredive). Për këto shoqëri, ERRU nëpërmjet ndryshimit të tarifave po synon rritjen e të ardhurave, jo vetëm për të mbuluar kostot e shërbimit, por aktualisht për të mbuluar dhe kostot e kredive.

Sipas ERRU, rritja e të ardhurave duhet të shoqërohet dhe me përmirësimin e shërbimit, i cili aktualisht nuk është në nivele të mira. Për shoqëritë është e nevojshme të analizohen në veçanti treguesit si uji pa të ardhura, niveli i matjes, eficenca e stafit, eficenca e energjisë, etj.

monitor.al





Lajmet e fundit nga