E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Tom Doshi paralajmëron se do trondisë qeverisë, kaseta filmike kompromentuese për disa ministra, në lojë dhe Kreshnik Spahiu

27 Shkurt 2015, 07:26, Aktualitet CNA

Nuk ka më paqe mes kryeministrit Edi Rama dhe deputetit të Partisë Socialiste, Tom Doshi, i njohur si pika më e fortë e PS në Veri dhe si faktor kyç për fitoren në Qarkun e Shkodrës në zgjedhjet e 23 Qershorit. Një ditë pasi Edi Rama thirri një grup deputetësh në zyrë për t?u mobilizuar kundër akuzave të Tom Doshit, ky i fundit ka reaguar fort.

Tom Doshi ka paralajmëruar dje se do të dridhen themelet e qeverisë, ndërsa ka kërcënuar me publikimin e disa fakteve që sipas tij do të tundin mazhorancën nga themelet. Doshi i ka shpallur dje luftë të hapur Edi Ramës, teksa tha se mes tij dhe kryeministrit nuk ka më paqe. Doshi ka akuzuar kryeministrin si mosmirënjohës dhe bukëshkalë, ndërsa ka paralajmëruar disfatën e PS në zgjedhjet lokale. ?Do t?ja bëj me dije Edi Ramës që sot e tutje, mes meje dhe tij nuk ka më paqe dhe do ta shohi se kush është i humbur prej kësaj situate. Çdo gjë do t?ja bëj publike, por edhe ai t?i bëjë publike ato që thotë. Kur të flas unë, do t?i dridhen themelet mazhorancës dhe qeverisë.

Do vazhdoj të jem pjesë e grupit parlamentar. Unë përfaqësoj të gjithë elektoratin e Shkodrës. Kam 10 vjet që jam në politikë, kam drejtuar të gjitha zgjedhjet parlamentare dhe lokale dhe dihet se çfarë fitoresh ka pasur PS në Shkodër, por Edi Rama është mosmirënjohës, bukëshkelës për mua dhe ata që e votuan në Shkodër. Do ta shohë edhe në zgjedhjet lokale. Sapo ka filluar lufta mes meje dhe tij, nuk kam gjë personale. Ekonomia është më keq se në kohën e Berishës, por po pasurohen një grup njerëzish që ka rreth vetes.

Edhe përsa i përket drejtoreshës së Tatimeve, Edi Rama duhet të japë përgjigje publikisht për lidhjet nepotike që ka emëruar ajo në dogana, tatime, polici?, ka deklaruar Doshi. Kasetat filmike, në lojë dhe Kreshnik Spahiu Po me çfarë e kërcënon Tom Doshi qeverinë? Cilat janë faktet që mund të trondisin qeverinë dhe kush fshihet pas këtij kërcënimi? Flitet për disa kaseta filmike, me fakte kompromentuese për kryeministrin Rama dhe disa ministra. Doshi është gati t?i publikojë këto kaseta, që flasin për korrupsionin në qeveri. Kasetat konsiderohen si një minë me sahat për qeverinë. Për këtë çështje, tre ditë më parë deputeti Tom Doshi ka darkuar në restorant ?Antika? pranë Shallvareve me kryetarin e Aleancës Kuq e Zi, Kreshnik Spahiu.

Kjo darkë enigmatike ka zgjatur dy orë. Kreshnik Spahiu mësohet se ka treguar interes për t?i publikuar kasetat. Në lokal, mësohet se mes tyre ndodhej edhe deputeti socialist Taulant Balla, i cili ka këmbyer replika në distancë me Kreshnik Spahiun. Ndërkaq, Doshi ka pohuar se do të publikojë njerëz që u kanë dhënë para disa sekserëve të drejtorëve të qeverisë. Doshi: Rama të publikojë kërkesat e mia Deputeti Doshi, duke iu referuar takimit të Ramës me një grup deputetësh në Kryeministri, i ka bërë thirrje kryeministrit që të sqarojë kërkesat që i ka bërë. ?Unë i kërkoj kryeministrit që t?i bëjë publike kërkesat e mia personale. Shqetësimet e mia kanë qenë për problemet që janë në bazën e Partisë Socialiste për premtimet që ai ka bërë në fushatë, që nuk ka dhënë asnjë investim për Shkodrën. I gjithë buxheti është përqendruar në jug. Kemi premtuar në fushatë për ujitjen e çdo bime, në Shkodër, s?kanë ujë për të pirë. Pra janë disa komuna që i kemi premtuar bashkë, dhe i kam thënë që unë nuk vij më në fushatë për t?ju kërkuar më votën nëse ujësjellësit nuk bëhen deri në zgjedhjet e ardhshme?, tha Doshi. Përjashtimi

Tom Doshi ka deklaruar se nuk ka asnjë arsye që ai të përjashtohet nga grupi parlamentar i Partisë Socialiste. Teksa ka akuzuar kryeministrin Rama për nepotizëm dhe klientelizëm, Doshi ka pohuar se për një vit e gjysmë, qeveria ?Rama? ia ka kaluar qeverisë ?Berisha?. ?S?kam lidhje me z. Berisha. Edi Rama e di shumë mirë që edhe Berisha dhe Topalli nuk kanë fituar luftë me mua, e jo më Edi Rama. Për çfarë të përjashtohem nga grupi parlamentar? Unë kërkoj transparencë prej Edi Ramës, nuk kërkoj gjë tjetër.

Transparencë, sepse ka premtuar që nuk do të ketë korrupsion, lidhje nepotike të cilat për 1 vit e gjysëm e kanë kaluar 4-vjetëshin e parë të Berishës?, ka deklaruar Doshi.

Dështon përpjekja për pajtim

Ka dështuar një përpjekje për pajtim dhe mirëkuptim mes kryeministrit Edi Rama dhe deputetit, Tom Doshi. Deputeti Doshi, një ditë më parë zbuti gjuhën ndaj qeverisë dhe kryeministrit Rama, teksa tha se diskutimet në mbledhjen e grupit parlamentar, ishin brenda familjes së tij politike. Por, teksa Doshi ka bërë këtë deklaratë, Rama kishte thirrur në Kryeministri deputetët më të besuar, për të nisur një rezistencë ndaj Tom Doshit.

Gazeta ‘Sot’