web counter
LEXO PA REKLAMA!

SHKARKO APP

App Store
Google Play

E fundit!

x

Takimi me Ramën, Sterkaj: Ndryshimet në qeveri i vendos kryeministri

26 Shkurt 2015, 13:27, Politikë CNA

Deputeti socialist, Paulin Sterkaj, ka thënë në një prononcim për mediat, një ditë pas takimit me kryeministrin Rama, se ndryshimet në qeveri i vendos kreu i saj.

“Ne i kemi dhënë votëbesimit Qeverisë dhe Kryeministrit, ndryshimet dhe çfarë duhet për qeverinë i sheh Kryeministri”, ka thënë ai.

Sterkaj mohoi që ai dhe grupi prej 5 deputetësh të kenë diskutuar me Ramën mbi kritikat dhe kërkesën publike të Tom Doshit për ndryshime në kabinetin qeveritar.

“Ne në vazhdimësi mblidhemi çdo javë në mbledhjen e grupit dhe çdo problem që kemi i themi aty. Nuk është çështja se kemi ndonjë ankesë të një individi dhe t?ia përcjellim Kryeministrit, kjo sikur nuk funksionon, nuk më pëlqen as pyetja. Tani sa probleme dhe sa ankesa ka ky vend, edhe në shpi të robit ka probleme, por hap pas hapi çdo gjë do të rregullohet”, është shprehur Sterkaj.

Lidhur me zgjedhjet lokale, deputeti Sterkaj deklaroi se akoma nuk ka nisur diskutimi në grupin parlamentar për kandidaturat, ndërsa për bashkinë e Shkodrës tha se janë në konsultime e sipër me Kryeministrin.

Të mërkurën, kryeministri Rama thirri në një takim informal në Kryeministri një grup deputetësh të PS. Të pranishëm ishin Paulin Sterkaj deputet i qarkut të Shkodrës, deputeti i qarkut të Lezhës Arben Ndoka, deputetët e qarkut të Tiranës Artan Gaçi e Pjerin Ndreu dhe deputetët e qarkut të Fierit, Arben Çuko dhe Pirro Lutaj.

 





Lajmet e fundit nga