Meshkujt dhe femrat janë më të ngjashëm nga sa mendojmë

25 Shkurt 2015, 17:00, Lifestyle CNA

Meshkujt drejtohen vetëm nga fantazitë seksuale, janë tifozë të mëdhenj të sportit dhe rrallë i ndajnë me të tjerët ndjenjat e tyre.

Nga ana tjetër, femrat janë më delikate, merren më tepër me fjalë dhe pëlqejnë shumë të bëjnë blerje. Ose të paktën kështu thonë stereotipat që ne kemi zgjedhur të besojmë deri më tani.

Por një studim i ri amerikan këshillon se në realitet, meshkujt dhe femrat janë më të ngjashëm nga sa mendojmë ne.

Dallimet e menduara deri më tani, sipas shkencëtarëve, janë shkaktuar prej një tendence për t?u përqendruar mbi ato pak dallime ekstreme sesa mbi ngjashmëritë e shumta të vogla.

Universiteti Shtetëror në Ajoua (Iowa), ISU, doli në këtë përfundim, pasi analizoi karakteristikat e personalitetit të raportuara nga studime të tjera, që në total përfshinin 12 milionë njerëz.

Femrat dhe meshkujt kanë ngjashmëri me njëri-tjetrin 80 për qind më shumë nga sa mendohet, duke marrë parasysh tre të katërtat e karakteristikave psikologjike të analizuara, përfshirë ndërmarrjen e rrezikut, stresin dhe moralin.

?Kjo është e rëndësishme, sepse tregon se kur vjen puna për tiparet psikologjike, ne jemi relativisht të ngjashëm me njëri-tjetrin, si meshkujt edhe femrat?, thotë Zlatan Krizan, një profesor i asociuar i psikologjisë në ISU.

?Kjo ishte e vërtetë edhe kur kontrolluam në lidhje me tiparet konjitive si inteligjenca, karakteristikat e personalitetit dhe kënaqësia e të jetuarit.? Ngjashmëritë ekzistojnë pavarësisht moshës dhe kohës.

Kërkuesit zbuluan se disa tipare pasqyronin ndasitë midis meshkujve dhe femrave.

Për shembull, burrat ishin më agresivë dhe më mashkullorë, ndërsa femrat kishin një afrim më të madh me gjininë e tyre dhe ishin më të ndjeshme ndaj dhunës.

Rezultatet e përgjithshme, sipas shkencëtarëve, ishin në kontradiktë me mendimet e shumicës prej njerëzve. Një arsye, thotë profesor Krizan, është diferenca në ekstreme.

Provat që mbledhin hulumtuesit përqendrohen zakonisht në karakteristikat tipike, por ka edhe raste kur kapet spektri i ndryshimeve ekstreme midis dy gjinive.

?Njerëzit priren të mbivlerësojnë ndryshimet, sepse vënë re më tepër skajet?, tha profesor Krizan.

Ai përdori agresionin si një shembull. ?Nëse shohim përqindjet e burgosjeve, për të krahasuar sesa agresivë janë meshkujt dhe sa janë femrat, fakti që meshkujt përbëjnë shumicën e popullatës në burgje, mbështet idenë se ata janë shumë më tepër agresivë.?

Megjithatë, nuk është mirë të vlerësohen të tilla dallime të mëdha, pasi agresiviteti është i ndryshëm te meshkujt dhe femrat në varësi të personave.

Njerëzit gjithashtu vënë re disa ndryshime njëherësh, gjë që jep idenë e një diference më të zgjeruar.

?Ndryshimi mes dy gjinive në një karakteristikë të vetme është shpesh i vogël?, tha profesor Krizan. ?Edhe kur ka ndryshime të vogla, njerëzit mendojnë se është një ndryshim i madh, sepse e shohin situatën si një të tërë, e jo veçmas?.

Profesor Krizan thotë se disa nga ndryshimet në sjellje, mund të kenë çuar në përcaktimin e roleve sociale.

Pavarësisht se thuhet se meshkujt vijnë nga Marsi dhe femrat nga Afërdita, këto zbulime na kujtojnë se ne të gjithë vijmë nga Toka, shtoi ai.

Përse meshkujt mendojnë se femrat duan seks?

Është një lojë e luajtur prej shekujsh midis meshkujve dhe femrave. Një burrë mendon se një femër kërkon seks kur i buzëqesh atij. Ndërkohë ajo i interpreton hapat e tij përpara si veprime të miqësisë.

Tani shkencëtarët thonë se kanë zbuluar më në fund përse ndodh kjo dhe ka të bëjë me mënyrën sesi ka evoluar truri i meshkujve për të kuptuar sinjalet e gabuara.

Aftësia e një mashkulli për t?u riprodhuar ka të bëjë me kapjen e çdo mundësie. Ai shpenzon para dhe kohë për të tërhequr femrat, gjë që nuk çon domosdoshmërish në seks. Por kosto është edhe më e madhe, nëse ai nuk e provon, sepse atëherë nuk do të mund të riprodhohet fare.

?Por nuk funksionon kështu për femrat?, shpjegoi kërkuesi Mons Bendixen nga Universiteti Norvegjez i Shkencës dhe Teknologjisë.

Një grua mund të bëjë seks me disa burra gjatë një periudhe të shkurtër kohe pa bërë fëmijë. Ndaj për meshkujt, është një situatë pa rrezik të bëjnë seks me gratë kurdo që i jepet mundësia.

Nga ana tjetër, kosto është më e madhe për një grua nëse ajo mendon se një burrë është më i interesuar seksualisht sesa ajo.

Profesor Bendixon tha se përgjatë mijëra brezave, psikologjia e femrave ka evoluar për të vendosur një mbrojtje më të lartë, që do të thotë se ato duhet të përcjellin mesazhe më të qarta sesa meshkujt përpara se të konsiderojnë mundësinë e seksit.