web counter
LEXO PA REKLAMA!

SHKARKO APP

App Store
Google Play

Amendamenti i Bashkim Finos, kufizohet pushteti i kryebashkiakëve deri në dy mandate

25 Shkurt 2015, 07:25, Aktualitet CNA

Ndarja e re territoriale, përveç shumë ndryshimeve në pushtetin vendor, mund të sjellë edhe kufizim të mandateve të kryetarëve të bashkive. Është mazhoranca ajo që ka nisur të mendojë për t?i vënë fre kryebashkiakëve që mbajnë 3-4 mandate.

Deputeti Bashkim Fino ka dalë me një propozim konkret, përmes së cilit i kërkon Kuvendit që të vendosë që çdo kryetar bashkie pas zgjedhjeve të 21 qershorit të mos kandidojë më shumë se dy herë. Propozimi i tij u bë dje në Komisionin e Ligjeve, ku u diskutuan projektligji ?Për disa ndryshime dhe shtesa në ligjin nr. 8652, datë 31.7.2000, ?Për organizimin dhe funksionimin e qeverisjes vendore?, të ndryshuar?.   Fino u propozoi deputetëve që kufizimi të miratohet në këtë komision, por nuk gjeti mbështetje. Deputetët si nga mazhoranca edhe nga opozita nuk folën fare, duke mos dhënë asnjë mendim.

Pas kësaj, Fino deklaroi se do të përgatisë një amendament dhe do ta dërgojë në Kuvend, ku pritet të shihet se çfarë do të ndodhë. ?Propozimi im është që çdo bashki të ketë kryetarin e saj të zgjedhur në katër vjet me të drejtë rizgjedhje edhe një mandat tjetër. Pra, unë jam që kryetari i bashkive të reja, pas kësaj që do të vijë më 21 qershor, të zgjidhet dy herë si kryetar bashkie.

Pra të zgjidhet më 21 qershor, edhe një katërvjeçar tjetër, por mbas 8 viteve të mos zgjidhet më. Ky është një propozim i imi, i cili edhe nëse nuk gjen mbështetje në Komisionin e Ligjeve unë do të sjell amendament në seancë plenare?, tha Fino. Mbështetje ka dhënë edhe kryetari i Komisionit Fatmir Xhafaj, i cili tha: ?Zoti Fino të ngelet që ta dërgosh në seancë dhe do të firmos edhe unë me ty

 





Lajmet e fundit nga