web counter
LEXO PA REKLAMA!

SHKARKO APP

App Store
Google Play

E fundit!

x

Propozimet/Reduktohet Qeveria, Cipras njeh privatizimet

24 Shkurt 2015, 10:02, Aktualitet CNA

Lista e propozimeve greke erdhi gjatë natës, por në kohë. Kështu ka deklaruar zëdhënësi i Departamentit të Çështjeve Ekonomike e Monetare në BE.
Sipas agjencisë së lajmeve ANSA e cila ka mundur të shohë dokumentin, duket se autoritetet e Athinës janë kufizuar me vetëm disa reforma sociale në planin e tyre ku përfshihen energji dhe shërbim shëndetësor falas për të varfërit, zgjatje e mundshme e skemës së pagesës minimale. Këto janë të vetmet, sipas Ansës, masa që qeveria greke ka vendosur në listë për të luftuar krizën humanitare. Athina pretendon se këto masa nuk do të kenë efekt negativ për bilancin e shpenzimeve.

Greqia impenjohet të mos tërhiqet nga privatizimet e kompletuara tashmë dhe të respektojë në bazë të ligjit, pronarët e rinj, por do të rishikojë privatizimet që ende nuk janë bërë fakt i kryer për të përmirësuar përfitimet afatgjata për Qeverinë.

Qeveria greke do të ndërmarrë një qasje të re inteligjente për kontratat kolektive të cilat do të balancohen. Kjo përfshin edhe rritjen e pagës minimale, por, që sipas dokumentit, do të bëhet në konsultim me institucionet europiane.

Përforcim i koncepteve të evazionit fiskal, dhe marrja e masave për t?u siguruar se të gjitha shtresat e shoqërisë, sidomos ata që përfitojnë më shumë, të paguajnë në mënyrë të barabartë për shpenzimet.

Greqia do të reduktojë ministritë nga 16 në 10, do të kufizojë përfitimet e ministrave e parlamentarëve dhe do të racionalizojë ministritë aty ku shpenzimet nuk shkojnë për rroga dhe pensione. Shpenzimet për Shëndetësinë do të rishikohen për të garantuar ?një akses universal:.

Reagimi i parë i shefit të eurogrupit, Dijsselbloem, ishte ?Grekët duken seriozë për reformat, por nuk do të jetë e lehtë?, tha ai.





Lajmet e fundit nga