web counter
LEXO PA REKLAMA!

SHKARKO APP

App Store
Google Play

E fundit!

x

Gramoz Ruçi merr në dorë negociatat për ndarjen e bashkive me LSI

24 Shkurt 2015, 07:17, Aktualitet CNA

Kryeministri Edi Rama ka vendosur t?ia besojë Gramoz Ruçit një nga sfidat dhe përgjegjësitë kryesore në raport me zgjedhjet lokale të 21 Qershorit. Kryesfida për Edi Ramën nuk konsiderohet rezultati dhe votëbesimi për reformat e deritanishme, por projektimi i kandidatëve dhe ndarja e zonave të influencës me Lëvizjen Socialiste për Integrim, me sa më pak kosto politike. Këtë proces delikat, Rama ia ka besuar kryetarit të grupit parlamentar socialist, Gramoz Ruçi, i cili pritet të konsultohet me përfaqësuesin e LSI, që do të mandatohet nga kryetari i Kuvendit, Ilir Meta.

Sipas të gjitha gjasave dhe burimeve paraprake, Meta do të caktojë kryetarin e grupit parlamentar të Lëvizjes Socialiste për Integrim, Petrit Vasilin. Ruçi dhe Vasili pritet të takohen nga ora në orë për të hapur siparin e negociatave për ndarjen e bashkive. Edhe pse Rama dhe Meta do të përpiqen për të shuar vijat e ndarjeve sa i takon propozimit të kandidatëve, LSI pritet të përfaqësohet me kandidatë në 2-3 bashki të nivelit të parë dhe në disa bashki të nivelit të dytë. Sipas burimeve brenda PS, bëjnë me dije se Lëvizja Socialiste për Integrim pretendon të përfaqësohet me kandidatë në 20 bashki të nivelit të ulët dhe të mesëm në të gjithë vendin.

Ndonëse zë 14.3 përqind të vendeve në Parlament, LSI ka kërkuar që për çdo tre bashki në vend, të propozojë një kandidat.   Po sipas burimeve, partia që do të propozojë kandidatin për Bashkinë e Tiranës, do të propozojë 10 kandidatë më pak në bashkitë e nivelit të dytë. Gjithsesi, modalitetet dhe formula e ndarjes pritet të përcaktohet gjatë takimeve të negociatorëve dhe të grupeve përkatëse. Para nisjes së negociatave, Partia Socialiste pritet të mbledhë grupin parlamentar socialist, për të diskutuar edhe me LSI. Ndërkaq, kryetari i LSI, Ilir Meta, gjatë ditëve të fundit ka dhënë mesazhe mjaft konstruktive dhe qetësuese sa i takon nivelit të bashkëpunimit me PS.

Meta ka deklaruar se PS dhe LSI do të jenë kompakte në këto zgjedhje, duke e konsideruar betejën si jo politike, por thjeshtë për administrimin e qeverisjes vendore.    Përfaqësues nga shoqëria civile    Partia Socialiste dhe Lëvizja Socialiste për Integrim nuk e kanë përjashtuar mundësinë e kandidimit të përfaqësuesve nga shoqëria civile për disa nga 61 bashkitë. Ndërsa deputeti i PS, Blendi Klosi ka pohuar se kandidatët do të jenë figura të larta dhe me profil të fortë politik, kreu i LSI, Ilir Meta, nuk e ka përjashtuar mundësinë që disa nga kandidatët të jenë nga shoqëria civile. ?Shoqëria Civile ka qenë dhe është gjithnjë mjaft e mirëpritur dhe mjaft aktive për zgjidhjen e problemeve vendore?, ka deklaruar Meta.





Lajmet e fundit nga