web counter
LEXO PA REKLAMA!

SHKARKO APP

E fundit!

x

Bildt:Greqia pretendon të mbledhë 7.3 mld euro nga taksat

23 Shkurt 2015, 11:35, Aktualitet CNA

Greqia përgatitet të paraqesë listën e reformave për kredidhënësit në mënyrë që të sigurojë zgjatjen e afatit të huasë financiare e që do të shmangte falimentimin në muajin prill.
Lista pritet të dorëzohet jo më vonë se e hëna në mbrëmje dhe duhet të miratohet nga kredidhënësit ndërkombëtar që Athina të marrë edhe katër muaj kohë dhe para.
Analistët thonë se një dështim i marrëveshjes mund të rigjallërojë skenarin e largimit të Greqisë nga zona euro.
Ministri grek i Shtetit, Nikos Pappas tha se lista do të përfshijë masa për të luftuar evazionin fiskal dhe modernizimin e shërbimit civil.
Ai tha për kanalin grek Mega Channel se reformat do ta nxirrnin Greqinë nga faza e mpirjes.
Ndërkaq, gazeta e përditshme gjermane, Bild, duke cituar burime të qeverisë greke raporton se Athina synon të mbledhë 7.3 miliardë euro me masa kundër evazionit fiskal.
Ministri gjerman i Financave, Frank-walter Steinmeier tha për Bild se marrëveshja për zgjatjen e huasë i ka dhënë rajonit frymëmarrje.
?Tani është në dorë të Athinës?, shtoi ai.





Lajmet e fundit nga