web counter
LEXO PA REKLAMA!

SHKARKO APP

App Store
Google Play

E fundit!

x

Artan Shkëmbi jep dorëheqjen

23 Shkurt 2015, 13:46, Politikë CNA

Kryetari i Bashkisë së Pogradecit, Artan Shkëmbi gjatë një deklarate për shtyp, ditën e sotme ka dhënë dorëheqjen nga posti i tij.
Ai u shpreh:
?Ndërkohë që po përmbyllet mandati im i tretë në krye të bashkisë së Pogradecit, dëshiroj të permbush edhe një detyrim tjetër të rëndesishëm ndaj Partisë Socialiste dhe Edi Ramës, i cili më mbeshteti pa asnjë rezerve në kandidimet e mia, me ndihmoi me shembullin e tij si kryebashkiak botërisht i vlerësuar për suksesin dhe me keshillat e tij si lideri i socialistëve. Po edhe, më bëri të ndjehem pjesëmarrës aktiv i një proçesi historik reformimi dhe transformimi të PS-së. Dhashë gjithë çfarë munda e dija për të bërë më të mirën për qytetin tonë. Jam krenar për gjithçka kemi arritur të ndryshojmë?.
Gjithashtu gjatë deklaratës së tij ai nuk la pa përmendyar dhe pengesat që kishte sjellë Sali Berisha duke e cilësuar sjelljen e tij si ?armiku më i betuar i historisë së qytetit tonë, duke mos firmosur asnjë qindarkë për projektet e panumërta që i çuam?.
Lidhur me kanditatyrën e tij në zgjedhjet lokale ai deklaroi: ?dua ta lë tërësisht të lirë rrugën për zgjedhjen e një kandidati apo kandidateje të re për të vazhduar punën time. Nuk dua të pengoj dhe as të influencoj në këtë zgjedhje të rëndesishme, aq me tepër në kushtet kur pas riorganizimit territorial bashkia e re ka një hapesirë shumë më të madhe përgjegjësie dhe sfidash për të përballuar?.
Ai e mbylli deklaratën e tij duke shprehur mirënjohje të thellë pogradecarëve dhe njerëzve të skuadrës së tij në bashkinë e qytetit që nga nënkryetarët e deri tek pastruesit e qytetit pa asnjë dallim.
Ndërkohë përflitet që dorëheqja e tij do të pasohet me dhënien e postit si drejtues i agjensisë për zbatimin e reformës territoriale pranë Kryeministrisë.





Lajmet e fundit nga