web counter
LEXO PA REKLAMA!

SHKARKO APP

App Store
Google Play

Izrael, klubi i zhytësve zbulon 2 mijë monedha të arta

18 Shkurt 2015, 13:57, Kulturë CNA

Zhytësit, fillimisht, menduan se objekti që shkëlqente në shtratin e detit në brigjet izraelite, ishte ndonjë monedhë lojërash. Por shpejt kuptuan se ishin ndeshur në diçka me shumë më tepër vlerë. Zbulimi ndodhi në portin mesdhetar të Caesarea. Zhytësit e një klubi local gjetën jo pak por 2 mijë monedha të arta që kishin qëndruar në fund të detit 1 mijë vjet. Autoriteti I Antikiteteve të Izraelit tha se bëhet fjalë për sasinë më të madhe të monedhave të arta të gjetura ndonjëherë në Izrael e mund të çojë në gjetje të tjera arkeologjike.

Me gjasa bëhet fjalë për ndonjë anije thesari të mbytur aty, rrugës për në qeverinë qendrore në Egjipt, ngarkuar me monedhat e taksave, thonë arkeologët.

Monedhat janë të ruajtura shumë mirë. Më e vjetra është një cerek dinari e prodhuar në Palermo të Sicilisë, në gjysmën e dytë të shekullit të nëntë.
Pjesa më e madhe e monedhave vijnë nga Kalifati Fatimid, perandoria e shiitëve muslimanë që sundonte pjesë të gjera të Afrikës së veriut dhe Lindjes së Mesme në fillim të mijëvjeçarit të dytë.

Arkeologët mendojnë se monedhat kanë lëvizur nga stuhitë dimërore dhe falënderoi njerëzit që i gjetën e i raportuan menjëherë.





Lajmet e fundit nga