E fundit!

21:21 Aktualitet

Pas shoqërimit në komisariat/ Flet një nga protestuesit: Mos të kujtojnë se shqiptari trembet

Një nga protestuesit që u shoqëruan sot në Komisariatin nr...

Qerpikë të bukur dhe të shëndetshëm

26 Janar 2015, 09:32, Lifestyle CNA

Qerpikët janë jo vetëm shumë të bukur për pamjen e jashtme, por mbi të gjitha janë mbrojtës për sytë. Janë një pjesë shumë tërheqëse e fytyrës, veçanërisht te femrat, prandaj u kushtohet kaq shumë vëmendje dhe kujdes.
Qerpikët, ashtu si gjithë qimet e tjera në trup, kanë një cikël jete, i cili kalon në 3 faza.

Faza I është anagjeni, ku qerpikët kanë një rritje të shpejtë, e cila zgjat për 30-40 ditë. Gjatë kësaj faze, qerpiku nuk bie, vetëm nëse e hiqni me dëshirë apo ushtroni forcë.

Faza II është katagjeni, e cila është më shumë si kohë pushimi. Në këtë fazë qerpiku nuk rritet më, vetëm nëse bie gjatë 2-3 javëve të para të kësaj faze, nuk del qerpik i ri nga folikula, derisa të përfundojë faza e katagjenit.

Faza III është telogjeni, ku bien dhe dalin qerpikë të rinj. Nuk është e njëjta gjë, nëse një qerpik bie vetë në mënyrë natyrale, sepse është në fund të ciklit. Koha kur del një qerpik i ri varet nga periudha, kur ju e keni humbur atë, pra në çfarë faze të jetës. Periudha ndryshon nga 1-6 muaj. Nëse e humbni në këtë fazë, atëherë qerpiku i ri do të dalë më shpejt.

Këshilla si të kujdeseni për të pasur qerpikë të fortë e të shëndetshëm:

? Ushqimi luan një rol kryesor. Sigurohuni që të merrni të gjitha vitaminat dhe mineralet e nevojshme për organizmin, të cilat ndikojnë edhe në qerpikët tuaj. Të njëjtat vitamina që ndihmojnë në rritjen e flokëve janë të vlefshme edhe për qerpikët si: biotina, vitamina B apo suplemente të vajit të peshkut.
? Zgjidhni me kujdes prodhimet e ?make-up?-it, veçanërisht rimelin. Ai duhet të jetë delikat, që të lahet me lehtësi. Shmangni rimelin kundër ujit, sepse është i vështirë për t?u hequr dhe dëmton qerpikët tuaj.
? Mos e përdorni kthyesen e qerpikëve, vetëm në ndonjë rast të veçantë, sepse mund të këpusë qerpikët e t?i dëmtojë ato.
? Sa më shumë t?i lini sytë pa ?make-up? aq më mirë është për to. Por nëse nuk rrini dot, atëherë sigurohuni që t?i lani dhe ta hiqni ?make-up?-in çdo natë, para se të flini gjumë. Qerpikët në këtë mënyrë janë më të qetë e të lirshëm për t?u rritur.
? Hidratojini ata. Ashtu si ka nevojë lëkura dhe flokët për hidratim, edhe qerpikët duhen hidratuar. Ka prodhime të shumta në farmaci apo kozmetikë, por një mënyrë e lirë dhe shumë e dobishme është përdorimi i vajit të ullirit. Çdo natë, pasi t?i keni pastruar, lyeni pak majat e gishtave dhe kalojini nëpër qerpikë. Të nesërmen në mëngjes, lajini. Vaji i ullirit i ushqen, i hidraton dhe u jep shkëlqim qerpikëve.
? Këshilla e fundit, por jo më pak e rëndësishme, është të shmangni stresin. Stresi, si një sëmundje e kohërave moderne ka shumë ndikime negative, një ndër to edhe rënia e qerpikëve. Mbani nën kontroll nivelin e stresit duke praktikuar jogën apo duke shkuar në palestër. Qerpikët tuaj do t?ju falënderojnë për këtë.