E fundit!

21:21 Aktualitet

Pas shoqërimit në komisariat/ Flet një nga protestuesit: Mos të kujtojnë se shqiptari trembet

Një nga protestuesit që u shoqëruan sot në Komisariatin nr...

Këshilla për të zbardhur dhëmbët në mënyrë natyrale

26 Janar 2015, 09:12, Lifestyle CNA

Kur ne flasim dhe qeshim sytë tanë në fillim shkojnë tek dhëmbët. Të gjithë dëshirojmë t’i kemi ato të bardhë dhe pa problem. Shpesh ne priremi që t’i drejtohemi dentistit për të realizuar një gjë të tillë dhe harrojmë se këtë mund ta bëjmë të mundur dhe përmes mënyrave të ndryshme të përdorura në ambjentet e shtëpisë.

Disa ide se si mund të kemi dhëmbë të bardhë në mënyrë natyrale:

Soda e bukës, e pranishme në kuzhinën tonë ndihmon në largimin e pllakave të krijuara tek dhëmbët të cilat shkaktojnë ngjyrën e verdhë. Mund të përzieni gjysmë luge çaji me sodë buke. Me këtë masë lani dhëmbët me furçë e me ujë të ngrohtë, tamam si me pastë dhëmbësh normale. Përsëriteni këtë ritual 2 herë në javë.

Përzierja që mund t’i bëni asaj e lëngun e limonit, uthull molle ose peroksidhidrogjeni, gjithashtu sodën mund ta përzieni dhe me peroksid hidrogjeni, masën e hidhni në një gotë me ujë të ftohtë dhe me të shpëlani gojën 2-3 herë në ditë.

Lëkurë portokalli, pastrimi i rregullt i dhëmbëve me lëkurë të freskët portokalli redukton akumulimin e papastërtive.
Si ta përdorni? Para se të flini, merrni pak lëkurë portokalli dhe me të fërkoni dhëmbët tuaj. Vitamina C dhe kalciumi që ajo përmban do të luftojë mikroorganizmat përgjatë natës. Ktë veprim përsëriteni për disa javë dhe shikoni rezultatet.

Peroksid hidrogjeni ndihmon për të pasur dhëmbë të bardhë.
Bëni gargarë me këtë lëndë, por sigurohuni që mos ta përcillni, gjithashtu mund të krijoni një masë me peroksid hidrogjeni së bashku me sodë buke, të cilën mund ta përdorni si pastë dhëmbësh. Me vonë lajini dhëmbët më një pastë normale.Përdorimi i tepërt i peroksidit të hidrogjenit mund të krijojë irritim të mishrave të dhëmbëve, kështu që ju rekomandojmë që të mos abuzoni.

Limon, ai përmban vitamina C dhe acidet që janë shumë të përshtatshëm për të larguar pllakëzat nga dhëmbët tuaj. Mund ti përdorni lëngun, por edhe direkt lëkurën e tij.Lëngun e limonit të përzier me kripë, aplikojeni atë tek dhëmbët e zverdhur dhe e lini për pak minuta. Më pas shpëlajeni gojën me ujë të ngrohtë. Këtë veprim përsëriteni dy herë në ditë për dy javë për rezultate më të mira.