Pigmentimi afatgjatë i vetullave

25 Janar 2015, 19:00, Lifestyle CNA

Çfarë është Pigmentimi i vetullave?

Pigmentimi i vetullave është vendosja e ngjyrave organike në brendi të shtresës së sipërme të lëkurës (epidermë) në ato pjesë ku paraqitet nevoja.

Ju lutem mos lejoni të tjerët t?ju ngatërrojnë me termin ?mbjellje e vetullave.? Mbjellja e vetullave bëhet në ambiente spitalore ku duhet të bëhet intervenim. Fijet e flokëve duhet të hiqen nga prapa dhe të implantohen në vetulla.

Çfarë dallimi ka në mes të pigmentimit dhe tatuazhit?

Dallimi rrënjësor qëndron tek vendosja e ngjyrës. Gjatë tatuazhit ngjyra vendoset në shtresën e dermës që nënkupton që ngjyra do të qëndrojë për tërë jetën. Kurse në pigmentimin afatgjatë ngjyra vendoset në epidermë (shtresa e sipërme) dhe përmes largimit të qelizave të vdekura ajo gradualisht largohet. Varet nga mosha, tipi i lëkurës, shpejtësia e metabolizmit të personit se sa gjatë do të qëndrojë. Mirëpo zakonisht qëndron 1-3 vite.

Si largohet ngjyra pas afatit të paraparë?

Ngjyra e pigmentimit largohet pa ndërruar nuancë. Ajo thjeshtë kalon prej ngjyrës së aplikuar në të zbehur derisa të largohet e tëra. Assesi nuk ndërron ngjyrë sikur disa ngjyra të tatuazhit.

Si aplikohet kjo teknikë?

Aplikimi bëhet në kushte shumë higjienike. Materialet që përdoren janë sterile dhe përdoren vetëm një herë, si për shembull gjilpëra sterile. Shumica me të dëgjuar fjalën gjilpërë paragjykojnë që do të ketë shumë dhimbje. Por dhimbjet nuk janë të padurueshme, sepse përdoret një anestezion lokal në formë të kremit, i cili parandalon dhimbjet. Ngjyrat janë organike të licencuara, pa efekte anësore dhe nuk përmbajnë minerale. Teknika më e avancuar me aparaturën më moderne e njohur si teknika me fije-fije, mundëson dukje sa më natyrale me dhimbje dhe skuqje minimale.

Kush nuk është kandidatë për pigmentim?

Personat të prekur me sëmundje kronike, si diabetikët, të prekur nga virusi HIV, hemofili etj., nuk diskutohet për pigmentim.

Te kush praktikohet pigmentimi afatgjatë?

* Pigmentimi preferohet për persona që kanë mungesë të vetullave për shkaqe të ndryshme, që i kanë të holluara, apo që dëshirojnë të japin një formë të bukur të vetullave;

* Personat që nuk dëshirojnë të humbasin kohë çdo ditë për tu grimuar;

* Të gjithë ata që nuk dëshirojnë të riaplikojnë grim çdoherë pas larjes, notit, sportit.