web counter
LEXO PA REKLAMA!

SHKARKO APP

App Store
Google Play

Zgjedhjet në Greqi/Aleksis Tsipras: T’i japim fund poshtërimit kombëtar

23 Janar 2015, 08:50, Aktualitet CNA

Lideri i partisë së të majtës ekstreme, Syriza thotë se fundi i poshtërimit kombëtar është i afërt, ndërsa sondazhet e opinionit e vendosin këtë parti në krye, tre ditë përpara zgjedhjeve të përgjithshme.
Alexis Tsipras u kërkoi mbështetësve një mandate të qartë për të mundësuar që ai t?i japë fund masave të kursimit.
Ai përsëriti premtimin për të reduktuar gjysmën e borxhit ndërkombëtar të Greqisë me përfundimin e marrëveshjes së shpëtimit.
Zgjedhjet e së dielës janë duke u vëzhguar nga afër prej tregjeve financiare të cilat i tremben ardhjes në pushtet të Syrizas, gjë që mund të bëjë që Greqia të shembet nën borxhin e saj dhe të dalë nga eurozona.
?të hënën, poshtërimi kombëtar do të marrë fund. Ne nuk do të kemi më punë me urdhërat që vijnë nga jashtë?, u tha Cipras me mijëra mbështetësve në marshimin final të fushatës në Athinë.
?Ne po kërkojnë shansin e parë për Syrizan. Mund të jetë Shansi i fundit për Greqinë?, tha ai.
Korrespondentët thonë se shumë grekë janë përgatitur t?i japin Liderit Tsipras një shans, duke besuar se nuk mund të ketë më keq.
Greqia ka përjetuar një recession të thellë dhe ende një e katërta e forcës së punës është pa punë.
Sidoqoftë, votuesit janë përballur disa herë me paralajmërimin se një fitore e Syrizës mund të sjellë konfrontim të vendit me shtetet e tjera të eurozonës.
Syriza pritet të fitojë, por jo me një shumicë të qartë, dhe analistët parashikojnë se partia do ta ketë të vështirë të gjejë një partner koalicioni për qeverisje.
Ndërkaq, Tsipras ka thënë se nuk do të mbështesë ato që i cilësoi politika të kancelares gjermane, Angela Merkel. Gjermania shihet në Greqi si projektuese e masave të ashpra.
Në nisje të këtij muaji, një zëdhënës i Merkel tha se Gjermania pret nga Greqia të përmbushë kushtet e marrëveshjes së shpëtimit financiar.





Lajmet e fundit nga