web counter
LEXO PA REKLAMA!

SHKARKO APP

App Store
Google Play

E fundit!

x

Mustafa: Protestat janë një gjë, por shtetin nuk mund ta falimentojme

23 Janar 2015, 08:37, Aktualitet CNA

Protestat kundër ministrit Jabllanoviq dhe problem i kompanisë Trepça janë trajtuar nga kryeministri i Kosovës, Isa Mustafa në një postim në Facebook. Gjithashtu, Mustafa ka thënë se buxheti nuk ka mjete për t?i ngritur pagat dhe as për ndërhyrje tjetër në Kontratën kolektive. Shefi i Qeverisë ka deklaruar se mund të bëhet politikë me pagat, mund të bëhet politikë me kompanitë publike, mund të bëhet politikë me institucionet e arsimit, me emocionet për Trepçën, por kjo politikë, sipas tij na çon në falimentim të shtetit.

?Unë si Kryeministër e vlerësoj të drejtën për protesta, greva dhe forma të tjera të shprehjes së pakënaqësive qytetare, por zgjidhjen nuk e shoh duke vrapuar pas tyre, por duke parë shkaqet dhe duke kërkuar zgjidhjet?, shkruan Mustafa.

?E kam të qartë se nuk ndodh rastësisht asgjë, aq më pak që në muajin e parë të mandatit të ballafaqohem me kërkesa për rritje të pagave për 25%, me kërkesë për regjistrim edhe të rreth 1000 të rinjve në UP, me protesta për një deklaratë të ministrit Jabllanoviq, me një vendim të Dhomës së Posaçme të Gjykatës Supreme, i cili krijonte kushte që kombinati Trepça të kaloj në likuidim nga data 2 shkurt. Ndërkaq për këtë rrezik nuk isha informuar as nga AKP, as nga drejtoria e Trepçës dhe as nga njerëzit që kanë qenë përgjegjës për këtë në përbërjen e kaluar të Qeverisë, e tani po i shoh në media me deklarata populliste dhe zgjidhje imagjinare?, shkruan ai.





Lajmet e fundit nga