Zyhdi Dajti rrëfen se si u vra Ziver Veizi nga plumbat e Agim LLupos

21 Janar 2015, 12:52, Aktualitet CNA

Sot është përvjetori i katërt i ngjarjeve të 21 Janarit dhe shumëkush nga ne e mban mënd se si u përgjak bulevardi i Tiranës përpara Kryeministrisë. Breshëritë e armëve që vinin nga të gjitha drejtimet e Kryeminstrisë zbarkoheshin mbi popullin që kishte dalë për të protestuar. Zyhdi Dajti ishte njeriu që rrinte përpara derës së Kryeministrisë mes plumbave dhe gazit lotsjellës, duke bërë thirje për ndaljen e shkrepjeve të armëve dhe mundohej që të ndalte protestuesit që të hynin në oborrin e Kryeministrisë pasi aty i priste vetëm vdekja. Para 4 vjetësh me detyrë Drejtor i Policisë së Bashkisë në Tiranë, Zyhdi Dajti kujton se si u vra Ziver Veizi vetëm 5 metra larg në krahun e tij të djathë nga plumbat e Agim LLupos. Me një përvojë shumë vjecare në ushtri dhe institucionet e sigurisë Dajti tregon detaje nga ngjarja e 21 Janarit dhe pohon se gardistët e vendosur në mënyrë të crregullt gjuanin nga të gjitha anët. Ai e kujton si ditën më të keqe në jetën e tij ku humbën jetën 4 persona dhe u plagosën mbi 25 të tjerë. ?Ishte një manifest paqësor e me njerëz të thjeshtë përballë një institucioni të armatosur deri në dhëmbë ku nuk kursyen asnjë plumb kundrejt popullit?, shprehet Zyhdi Dajti.

?Si një qytetar i thjeshtë i Republikës së Shqipërisë, duke parë shkallën e profesionalizmit, ku gardistët gjuanin me breshëri në drejtim të protestuesve, u mundova që të dal në ballë për të larguar protestuesit që ishin në afërsi të derës dhe që nuk përbënin asnjë kërcënim për Kryeministrinë?, rrëfen ish-punonjësi i policisë.

Zyhdi Dajti bën me dije se plumbat manovër u zëvendësuan me fishekët luftarak në mometin që policia u largua nga bulevardi.

?Tek dera kryesore e Kryeministrisë kanë qenë 9 predha nga automatiku MP5 dhe kur pashë që ndërtesat përballë përshkruheshin nga një lum plumbash bëra cmos që të largoja personat që ishin afër derës së objektit të Kryeministrisë. Veprimet e mëtejshme u panë edhe nga filmimet që televizionet transmetuan atë kohë. Në një moment pashë që personi, i cili akuzohet për vrasje , ka qenë zëvendësi im në Gardën e Republikës, Agim Llupo, e pashë që ishte në afërsi. Në këtë moment unë vura re se në krahun tim të djathtë, në distancë 5 metra u rrëzua një person që quhej Ziver Veizi. ? rikujton Dajti.

?U largova nga porta dhe vajta menjëherë për t?i shkuar në ndihmë me mendimin se ishte rrëzuar por u trondita kur pashë monetin e dhënies së shpirtit, pra momentin e fundit e jetës së tij. Kërkova ndihmë dhe bëra transportin e tij në Spitalin Ushtarak?, vazhdon Zyhdi Dajti

Zyhdi Dajti rikujton pamje nga protestuesit, të cilët nga gazi lotsjellës e kishin mbuluar fytyrën me shall, ?Gazi na ka shkaktuar lotim dhe pengim në rrugët të frymarjes, mua dhe shumë personave të tjerë të cilët më vonë u evakuuan nga bulevardi.?

Si ish-komandant i Forcave Speciale të Gardës, Dajti thotë se një gjë është e sigurt se në drejtim të personave të pambrojtur kurrë nuk përdoret arma luftarake dhe se autoritetet që kanë dhënë urdhër duhet të mbajnë përgjegjësi ligjore.

Sa për dështim e drejtësisë për ndëshkimin e përgjegjësve të 21 Janarit Dajti thotë: Përgjegjësit duhet të japin llogari para drejtësisë edhe pse drejtësia është e vonuar. Lotët e nënave nuk janë tharë akoma. Edhe unë si shumë qytetarë të tjerë kërkojmë që urdhëruesit dhe ekszekutuesit e protestuesve duhet të japin llogari sa më shpejtë përpara drejtësisë.