web counter
LEXO PA REKLAMA!

SHKARKO APP

App Store
Google Play

E fundit!

x

Prindër duhanpirës? Ja cilat janë pasojat që “rëndojnë” mbi shëndetin e fëmijëve tuaj

15 Janar 2015, 15:00, Lifestyle CNA

Shëndeti i fëmijëve varet nga stili i jetesës së prindërve përpara konceptimit të tyre. Fëmijët të cilët kanë prindër duhanpirës përpara konceptimit të tyre janë të predispozuar për tu prekur 25 % më shumë nga leucemia limfoblastike(akute) fëminore, krahasuar më fëmijët të cilët vijnë në jetë nga prindër joduhanpirës.

Mënyra e jetesës së prindërve të cilët dëshirojnë të sjellin në jetë një fëmijë ndikon në shëndetin e këtij të fundit. Kjo nuk i referohet vetëm nënave , por edhe baballarëve. Sjelljet e baballarëve meshkuj përpara konceptimit të një fëmije mund të kushtëzojnë shëndetin e fëmijëve po aq sa sjellja e nënave.

Obeziteti, duhanpirja, ekspozimi ndaj substancave toksike përbën disa nga këto faktorë risku.

Kur baballarët e ardhshëm janë mbipeshë (obez)

Obeziteti mashkullor përpara konceptimit përbën një faktor risku për sa i takon ndryshimeve në ADN e cili ndikon në fazat e para të rritjes embrionale. E megjithatë rreth 45 % e prindërve pjesëmarrës në studim kanë pranuar se janë mbipeshë apo obezë.

Risku i i fëmijëve me baballarë duhanpirës përpara konceptimit

1 në 3 baballarë (34%) të pranishëm në studim deklaron se është duhanpirës. Edhe pse dihet tashmë që duhanpirja shkakton infertilitet, rrit rrezikun e sëmundjeve kongjenitale të zemrës etj, fëmijët me baballarë duhanpirës rriskojnë të zhvillojnë leuceminë limfoblastike (akute) fëminore 25 % më shumë sesa fëmijët me baballarë joduhanpirës. Përqindja shkon në 44 në rast se numri i cigareve të pira përgjatë një dite i kalon të njëzetat.

Substancat toksike: rriskojnë kuzhinierët, kopshtarët, personat që merren me higjienën (sanitarë) dhe fermerët

Rreth 22% e prindërve denoncojnë ekspozimin ndaj substancave toksike, në mënyrë të veçantë ekspozimin ndaj pesticideve. Kur kjo gjë ndodh për një kohë të tejzgjatur sigurisht për arsye profesionale ky ekspozim bëhet i dëmshëm pasi rrit mundësinë e krijimit të tumoreve fëminore, keq formimeve, mbipeshës në lindje etj.

Risku i përdorimit të disa barnave (medikamenteve)

Përdorimi i disa medikamenteve mund të ndikojë në fertilitet dhe jo vetëm: disa përbërës së medikamenteve kundër gripit, depresionit apo në mjekimet gastrointensinale mund të rrisin me 50% riskun për ndërlikime të shtatzënisë dhe të defekteve kongjenitale.

Përpara shtatzënisë ?krijohen? kushtet për të pasur një fëmijë.

Që fazat përgjatë së cilave kalon konceptimi dhe rritja e një fëmijëve të shkojnë mirë duhen vendosur ?bazat? për të sjellë në jetë trashëgimtarë të shëndetshëm. Për këtë është e rëndësishme që mamaja dhe babai i ardhshëm të ndjekin përpara shtatzënisë një stil jete të shëndetshëm dhe të rregullt duke mbajtur në kontroll gjendjen e tyre shëndetësore. Meshkujt krahasuar me femrat janë më pak të vetëdijshëm që stili i tyre i jetës ndikon drejtpërsëdrejti mbi shëndetin e fëmijës. Prandaj është e rëndësishme që këto evidenca t?ju komunikohen të dy prindërve për të ulur kështu mundësinë e një shtatzënie me probleme, në mënyrë që fëmija të lindë i shëndetshëm.





Lajmet e fundit nga