web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria në garë me Maqedoninë për të marrë kompaninë Nissan

13 Janar 2015, 16:56, Aktualitet CNA

Prodhuesi Japonez i automjeteve, Nissan, është duke studiuar Maqedoninë dhe Shqipërinë për të realizuar procesin e montimit të automjeteve, teksa po kërkon të tërhiqet nga vende të tjera të Evropës Juglindore, si rrjedhojë e rritjes së kostove. Mirëpo, po ky interes ka vënë para një gare të fortë shtetet e Ballkanit, sidomos Shqipërinë dhe Maqedoninë. Monitor ka mësuar se drejtuesit e Nissan për Evropën e shohin me interes edhe tregun shqiptar, pas ndërtimit të një parku të madh logjistik në vend. Vendi i shqiponjave vlerësohet më shumë favorite për afërsinë gjeografike dhe kostot e ulëta të transportit nga Porti i Durrësit. Veç këtyre, parku i ri logjistik shihet si një tjetër tërheqje për investimin. Por, edhe pa këto facilitete infrastrukturore, Maqedonia këtë rast është një konkurrent mjaft i fortë. Taksat më të ulëta dhe funksionimi perfekt i zonave të lira bëjnë që të jetë në avantazh, sidomos për investimin në fjalë. Prodhuesit e makinave, sidomos pas krizës së vitit 2008, janë vënë në kërkim të tregjeve që ofrojnë kostot të lira. Por për Ballkanin është Serbia më favorite për shkak se edhe burimet njerëzore për këto investime janë parë më të përshtatshme. Por, Serbia, sidomos vitin që shkoi, e ka shtuar agresivitetin në mbështetje të investitorëve të huaj, duke subvencionuar investitorët me më shumë se 11 mijë euro për çdo vend të ri pune të hapur. Pikërisht, për këtë arsye, kompania italiane e prodhimit të këpucëve, Geox, hapi njësinë e prodhimit në Serbi. Për shkak edhe të masave shtrënguesve, që kanë çuar në rritjen e disa taksave, Shqipëria po humb konkurrencën rajonale për investimet.





16:37 Aktualitet

Termet ne Tirane

Sherbimi Sizmik Shqiptar njoftoi per lekundje termeti me mak...

Lajmet e fundit nga