web counter
LEXO PA REKLAMA!

SHKARKO APP

App Store
Google Play

E fundit!

x

CNN: Tre arsyet përse po bie euro

6 Janar 2015, 14:25, Aktualitet CNA

Në Europë, viti i ri ka nisur ashtu siç e la viti 2014, euro ndodhet në rënie të vazhdueshme. Monedha për pak kohë arriti edhe nivelin më të ulët record ndaj dollarit amerikan, në nëntë vitet e fundit, përpara se të stabilizohej në kursin një me 1.19.
Ky kurs këmbimi e lë euron me 20 cent mangut apo me 14 për qind, duke e krahasuar me vlerën në maj 2014. Ekspertët analizojnë tre arsye që ka sjellë këtë situatë me monedhën e përbashkët europiane.
Së pari, rënia e euros ka të bëjë me forcimin e dollarit. Gjatë gjysmës së dytë të 2014-ës, dollari amerikan arriti fitore të ndjeshme ndaj monedhave të tjera të fuqishme botërore, si paundi britanik, franga zvicerane apo jeni japonez.

Së dyti, ndërsa Federal Reserve nisi shtrëngimin e politikave monetare, Banka Qendrore Europiane u duk e paduruar të nisë versionin e saj të injektimit të parave kesh në tregje, mundësisht në takimin e ardhshëm të saj, më 22 janar, si një mënyrë për të shmangur rrezikun e deflacionit.

Së treti, presionit mbi euron i shtohet edhe rreziku që vjen nga zgjedhjet greke të 25 Janarit, pasi ka druajtje se ato mund të risjellin krizën e borxheve në eurozonë.
Me një kryesim të sondazheve nga ana e Syrizës, partia opozitare dëshiron të rinegociojë kushtet e paketës së ndihmës ndërkombëatre prej 240 miliardë euro, dhe anulimin e disa masave të dhimbshme të kursimit.
Gjermania dhe shtete të tjera do të rezistojnë ndaj këtyre kërkesave. Nëse Athinës i hapet rrugë, kjo do të inkurajonte vende të tjera të zonës euro të zhytura në borxhe, të kërkojnë trajtim të ngjashëm.





12:29 Aktualitet

Top 20

“Top 20”, cdo te Diele nga ora 10:00 – 12:00, per te percjel...

Lajmet e fundit nga