HABERET E MITROS/ GOMARI ËNDËRRON NË GOJËN E UJKUT

1 Janar 2015, 15:56, Aktualitet CNA

Nga Mitro CELA

Më 31 dhjetor kryeministri bisedon shtruar me gazetarë. Rrëmbeva bllokun-huq i vjetër. Ai llafos. Unë zhgrap. U mbush blloku i parë. Kur po soste blloku i dytë, ikën drita…Zakon i ri…Po halli? Nisa të ripërtyp idetë. Kur mbarova, mu kujtua filozofija e Baba Leninit: Një hap para. Dy hapa prapa. Kështu lindi politika ekonomike bollshevike e NEP-it.
Si mund ta lidhim liberalin Rama babanë e socializmës? Kryeministri tha. Kemi bërë gabim të rëndë me opozitën. Duhet të ishim më të gjërë. Ta dëgjonim më shumë. Sepse edhe Berisha me Bashën, kanë merita për tu afruar me Brukselin. Këtë autokrtikë nuk e kisha dëgjuar kurrë. Si politikan i dështuar që jam, mu duk si ?peshqesh? në këtë acar që po kalon politika jonë famëmadhe…
Po dy hapat prapa? Ndryshe nga Baba Lenini, Rama foli me metafora. Tha: Basha dhe Berisha, duke ngrënë bar SHQUP-i, të kujtojnë një përrallë të moshuar. Gomarin e mbërtheu ujku. Mes dhimbjeve mendoi: Ishalla jam në ëndërr…

E kolme si përrallë. Por duke folur ?pa doganë? përralla ?ngjiti? edhe nga autori që e tregoi…tha kryeministri. Ekonomia po ecën përpara. Në vitin 2014 u hapën 81 mijë vende të reja pune…Ja ku na doli gomari dhe ujku i përrallës.
Në dhjetor të vitit 2013, u bë debat për buxhetin e shtetit, tha Rama. Shqipëria ka 1 milionë të papunë. Ne, socialistët do të hapim 300 mjë vende të reja pune…I pari buzëqeshi ministri i Ekonomisë. Jo vetëm buzëqeshi, por tre muaj më vonë ?nakatosi? planin tre vjeçar ekonomik të vatanit. Në qitap, ku domosdo nuk mungon as firma e Kryeministrit, është një shifër: 86 mijë. Kaq vend të reja do të hapen për tre vjet. Me arithmetikë të thjeshtë. Çdo vit do të hapen 28 mijë vende të reja pune. Drejtori i statistikava, duke qënë i ri në detyrë, bëri një tjetër ?porçkë?. Të papunët e Ramës i katandisi sa ?thela? e kaposhit të plakës: Rreth 220 mijë.
Ikë e ikë dhe erdhi vjshta e dytë. Minitri Veliaj ishte i ftuar në Kongrësin e Sindikatave. Ja donte puna fliste. Tha: Këtë vit janë hapur 81 mijë vende pune. Kush është ai naiv, që mund të besojë se këto janë vende të reja pune? Të punësuar janë rreth 27 mijë.
Këtë shifër publikoi edhe Gjergji Filipi-drejtori i statistikës. E besuam të gjithë. Përjashtim bën i zoti i punës: Kryeministri?! Mos vallë sheh ëndërr në gojë të ujkut?!…Nuk kam haber nga binaja e qeverisë. Por si politikan i dështuar, mund të bëj një koment. Si shifër Rama ka të drejtë. Por kjo shifër është me ?bereqet? për të mbushur ?thesin? e pensionistëve. Në defterët e Intitrutit të Sigurimeve Shoqërore janë shtuar 81 mijë punonjës që paguajnë sigurime.
Në dyqan a janë shpenzuar 81 mijë rroga më shumë? Jo. Janë shtuar 27 mijë rroga. Pjesa tjetër ka qënë edhe më parë. Ishin rroga që janë marrë në ekonominë e zezë…Me këtë logjikë, edhe kryeministri nuk ka pse të ëndërrojë? Gojën e ujkut, de!