E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e e dytë e Këshillit Kombëtar...

Astrit Patozi: Gëzuar, jo vetëm për një dite!

31 Dhjetor 2014, 20:19, Aktualitet CNA

Përmes një postimi në facebook, Astrit Patozi ka dhënë një urim për të gjithë shqiptarët, ndërsa indirekt ka dhënë një mesazh edhe për klasën tonë politike. Më poshtë urimi i plotë i Astrit Patozit, i cili sëfundmi është shprehur kritik me drejtimin e ri të PD-së dhe me ish-kryeministrin Berisha.
?Gëzuar, jo vetëm për një dite!
Dhe vjen gjithmonë kjo ditë kur urimet shpërthejnë nga të katër anët dhe shpërndahen pa asnjë ligjësi, por me pothuaj një rregull të habitshëm, që prek pothuajse gjithëkënd.
Kur, si xhelati, ashtu edhe viktima e urojnë reciprokisht njëri-tjetrin, dhe të dy e kanë sinqerisht. Kur të mashtruarit ia kanë bërë hallall gënjeshtrat ?mbretit?, duke shpresuar në një ?fillim? të ri, i cili nuk vjen asnjëherë.
Kur ?zhduken? si me magji kufinjtë sociale, dhe të varfërit janë gati t?u qajnë hallin të pasurve, mjafton që të mos e prishin atmosferën e festës.
Kur ziliqarët janë gati të përloten për ?gabimin? e tyre, që ka zgjatur vetëm 364 ditë, dhe shpifësit nuk e kanë fare problem të gëlltisin ?krijimet? e tyre bashkë me kofshën e gjelit të detit. Kur hajdutët i kanë dhënë një ditë amnisti presë së vet, madje edhe vrasësit pinë verë pa kobure në brez.
Është dita kur, madje edhe ?të mëdhenjtë? e qeverisë janë gati ta shpërndajnë pushtetin e vet tek njerëzit në nevojë, njësoj si thasët e miellit gjatë fushatave elektorale.
Ndonëse nuk është festë fetare, duket si ditë e ?faljes? së madhe, ku më të zënët në faj ndjehen të keqtrajtuarit. Dhe e gjithë dalldia zgjat vetëm një ditë.
Po nesër? E nesërmja vjen gjithmonë me kthimin e secilit në identitet, me një ritual të frikshëm, që përsëritet me përpikmëri çdo vit.
Miqtë e mi,
Urimi më i mirë për sot do të ishte që fjalët e bukura, falenderimet, përqafimet, qofshin ato edhe virtuale, të mos kishin vlerë vetëm për një ditë. Që të zgjaste më shumë armëpushimi dhe paqja mes dhunuesve dhe viktimave të tyre. Por kjo nuk ndodh kurrë me mirëkuptimin e të parëve. Dhe që nevoja për dashuri dhe solidaritet me njëri-tjetrin të mbizotëronte mbi çdo ndjesi tjetër. Që të mos i kërkojmë miqtë dhe të dashurit e tjerë në listën emërore të celularit, vetëm kur afrohet dita e festës, sepse ashtu gjenden vetëm të humburit.
Që të mos kujtohemi se jeta është e shkurtër, vetëm kur përcjellim dikë për në varreza. Sepse një ditë është shumë pak, sa po të mbetet e vetme, thjesht dhe vetëm na kujton përjashtimin nga rregulli.
Sipas meje, ka vetëm një mënyrë për ta shkundur këtë rutinë rraskapitëse: Të jesh i vërtetë, jo vetëm për një ditë. Të mbrosh të vërtetën dhe të luftosh për të çdo sekondë. Dhe për këtë, nuk ka nevojë përrevolucion.
Gëzuar të gjithëve, jo vetëm për sot!?