Korçaburg

20 Dhjetor 2014, 21:51, Aktualitet CNA

Nga Artan FUGA

Falenderoj të gjithë miqtë e kësaj me rastin e trajtimit të problematikës të urbanizimit të Korçës.

T’i lemë llafet.

Jo po ti, jo po unë.

Tradita duhet ruajtur me çdo kusht. Nuk e ka prodhuar një brez, pra asnjë brez nuk ka të drejtë mbi të. Prandaj është pasuri universale.

Sikurse Dielli, Hëna, yjet nuk mund të ndryshohen nga njerëzit. Nuk merr dot vendime këshilli bashkiak i Korçës dot për gjërat universale.

Eshtë njësoj sikur t’i hypë në kokë këshillit të ndryshojë lëvizjen e Diellit.

Ai maskarallik-plani (master – plani) nuk qenka më në fuqi!!!

Aq më mirë, por dilni në konferenca shtypi dhe denoncojeni atë dhe autorët e tij, shkëputni çdo marrëdhënie kontraktuale me ta. Mos shkelin më në Korçë ata mercenarët, karantinë qysh në Maliq.

E pse ta besoj?

Jepeni provën.

Denoncojeni!

Por, nuk ka pikë rëndësie. Kush ishte ai ose ajo që e aprovoi dhe i dha çmim të parë???

Atij maskara-plani (masterplani) që e kthen Korçën si me kapanone në formë burgu.

Korçaburg,
Strasburg,
Petërburg,
tamam si në Europë…

Korça ishte Paris qysh në shekullin e kaluar mo shokë të këshillit. Nuk na kanë pritur ne korçarët e vjetër, shumë më i bukur se Parisi atëhere…

Le të bëhet Parisi si Korça aq përrallore është !

Ja gati ta provoj, dhe në debat publik, aty pikërisht në Korçë.

Falenderoj pa fund miqtë korçarë që e mbushën plot inboxin me informacione që trondisin.

Po të ketë interes ndokush ja tregoj problematikën fije për pè, por jo burimet. Burimet që më vijnë në inbox vetëm Zoti m’i nxjerr. Jemi në media këtu, ka rregulla.

Të gjithë më luten mos i nxjerr sepse kanë frikë. Jo më heqin nga puna, jo më presin dritat, jo më presin pensionin, jo se vajza ime punon në urbanisitikën e Bashkisë, jo se punoj në arkivën e Bashkisë, e ku e di unë.
Jo se ma ulin kompensimin nga shtëpia që do të ma prishin.

I kuptoj, i kuptoj…

Cfarë bëhet kështu atje?

Nga kush kanë frikë. Nuk e drejton Koçi Xoxe Korçën mor miq.

Mos kini frikë nga frika juaj !

Jemi në demokraci…

Kthjellojuni!

Falenderoj të gjithë,

mbi 1000 like statusi,

mbi 150 share,

mbi 30.000 lexime në javë.

Cfarë interesimi qytetar!

Mahnitës.

Të vjen të lesh çdo gjë dhe të merresh veçse me këto. Epo nuk kam edhe aq kohë ore miq, harxhoj nga gjumi im…

Nuk paska vdekur jo qytetaria edhe për çështje interesi elitar sikurse është pasuria e traditës, ajo pra universalja, që nuk mund të ndryshohet me vendim këshilli, ore të këshillit !, nuk paska vdekur nervi qytetar.

Cfarë gabimi kam bërë që e kam kujtuar në gjumë.

Falemnderit.

Me respekt,

Artan Fuga