web counter
LEXO PA REKLAMA!

SHKARKO APP

App Store
Google Play

BSH/ Hetim me dokumentacion jo të plotë

4 Tetor 2014, 22:00, Aktualitet CNA

Banka e Shqipërisë i ka dhënë një informacion të cunguar Prokurorisë në lidhje me mënyrën sesi administroheshin paratë në kasafortat e saj.

Kjo konfirmohet nga burime nga grupi hetimor, i cili prej disa muajsh po heton në lidhje me vjedhjen e 7.13 milionë dollarëve nga thesari i BSH. Nisur nga kjo situatë, grupi i hetimit ka ngritur dyshimet se shkelja e rregullores së Bankës së Shqipërisë nga ana e punonjësve mund të jetë mëi madh sesa ai i zbuluar.

Hetuesit po verifikojnë me vëmendje edhe mundësinë e implikimit të personave të tjerë brenda bankës që mund të kenë shpërdoruar detyrën apo më keq akoma të jenë të përfshirë direkt në këtë skandal.

Prokuroria tashmë i ka komunikuar akuzën e shpërdorimit të detyrës ish Inspektores së Përgjithshme Elivar Golemi. Prokurorët shkuan në burgun 313, ku qëndron Golemi, dhe në prani edhe të avokatit mbrojtës, i kanë komunikuar asaj akuzën si dhe provat paraprake që disponon organi i hetimit.

Elivar Golemit, si një ndër  provat e administruara kundër saj, i janë paraqitur të gjitha dëshmitë e anëtarëve të Këshillit Mbikqyrës  të bëra gjatë seancave të marrjes në pyetje të tyre. Në këto dëshmi, anëtarët e Këshillit Mbikqyrës kanë rënduar pozitat e ish kryeinspektores duke i ngarkuar asaj jo pak përgjegjësi.

Nga ana e saj, Elivar Golemi, gjatë seancave gjyqësore në shkallën e parë dhe në apel, ku është njohur me masën e sigurisë së arrestit me burg, ka mohur kategorikisht të ketë shkelur ligjin dhe ka theksuar se raportimet e saj përpara këshillit mbikqyrës kanë qenë periodike.

Ish Inspektorja e Përgjithshme e bankës pak ditë më parë dorëzoi edhe rekursin në Gjykatën e Lartë nga ku kërkon ndryshimin e masës së sigurisë së arrestit me burg. Në Gjykatën e Lartë ka bërë rekurs edhe ish guvernatori Ardian Fullani, i cili ndodhen në arrest shtëpie.





Lajmet e fundit nga