E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Mazhoranca përzgjedh antarët e saj për në AMA pa konsensus

1 Tetor 2014, 22:00, Politikë CNA

Në një kohë kur Komisioni parlamentar i Medias ka nisur procedurën e selektimit të kandidatëve për anëtarë të AMA-s, Partia Demokratike po përgatitet që të çojë në Gjykatën Kushtetuese të gjithë praktikën e ndjekur nga mazhoranca.

Pas refuzimit të ftesës që bërë nga anëtarët e mazhorancës në Komisionin e Medias për kolegët e tyre të opozitës që të marrin pjesë në mbledhjet e komisionit duke zhbllokuar në këtë mënyrë procesin e zgjedhjes së anëtarëve për AMA dhe RTSH, Partia Demokratike paralajmëron zhvendosjen e betejës në Kushtetuese, duke e cilësuar procesin anti-Kushtetues.

Komisioni i Medias deri më tani ka përjashtuar nga gara tre prej anëtarëve, Xhaklina Petro, Marjana Celo dhe Ndriçim Mehmeti. Vendimi është bërë i njohur nga Nënkryetari i Komisionit të Medias, deputeti socialist Alfred Peza, ndërkohë që për vendet vakante në AMA paraqitën interesimin e tyre 24 kandidatë.

Nënkryetari Peza sqaroi se maxhoranca do të skualifikojë kandidatët e saj deri sa të arrijnë tek numri 13, nga 26 që janë në total, dhe më pas komisioni do të votojë për përzgjedhjen e dy kandidatëve.

Por Partia Demokratike në anën tjetër nuk e njeh procesin e ndërmarrë nga mazhoranca për zgjedhjen e anëtarëve të AMA-s. Luçiano Boçi, deputeti i PD dhe anëtar i Komisionit të Medias, thotë se mazhoranca është në shkelje të ligjit pasi ka ndërmarrë procedurat në mungesë të opozitës dhe duke shkelur radhën.

? Ligji e përcakton qartë në nenin 9 se procedura e zgjedhjes është procedurë negacioni e krahëve që mbështesin ose jo një kandidaturë të caktuar. Fillon mazhoranca e para që heq një emër dhe është radha e opozitës për tu shprehur negativisht për një emër. Ligji është bërë që në fund fare të sigurohet një mbetje shumë profesionale.

Unë kërkoj të heq më partiakun dhe anasjelltas. Për rastin e radhës, radha është kapërcyer. Ky proces është antiligjor, nuk mund të nisë pa prezencën e opozitës. Ligji është konsensual dhe produkti duhet të jetë i tillë. Po zhvillohet një aventurë ligjore, nuk janë argument emergjencat. Janë dy vendime përjashtuese, i pari për Marjana Çelon dhe i dyti për Zhaklina Peton. Është prishur radha, ligji përcakton një nga mazhoranca dhe një nga opozita.

Sot janë hequr dy nga mazhoranca. Si i bie që ne duhet të heqim dy? Po ligji e thotë një edhe sikur të jemi brenda aq më keq që jemi jashtë. Lista është e përbashkët. Kemi kërkuar konsensus. Ne nuk e njohim, por edhe kandidatët e tjerë kanë të drejtë të ankimojnë në gjykatën administratve pa dalë tek ankimimi në gjykatën Kushtetuese ku do të ankimojmë dhe ne?, shprehet Boci.