web counter
LEXO PA REKLAMA!

SHKARKO APP

App Store
Google Play

E fundit!

x

Fuga: Ristani deputet famëkeq

29 Shtator 2014, 22:00, Politikë CNA

Kryeministria ka reaguar pas deklaratës së Arben Ristanit, se kryeministri Edi Rama e ka fyer rëndë atë gjatë takimit me komisionerin Stefan Fyle.

Drejtori për marrëdhëniet me publikun, Endri Fuga, ka thënë se kryeministri Edi Rama ka qenë mjaft etik me opozitën.

Sipas tij, nuk është faji i qeverisë që Ristani ka qenë në burg dhe ka qejf pijen.

?Nuk është qëllimi i kësaj deklarate të tregojë edhe njëherë tjetër kush është zoti Arben Ristani. Çdo shqiptar e njeh sepse është bërë personazh mediatik qoftë si i dënuar me burg për korrupsion, qoftë si vjedhës votash në krye të KQZ-së, por edhe qoftë si një folës përgjithësisht i dehur, që merr përsipër të lëshoje ?të fortat? e opozitës nga foltorja e Kuvendit ose e partisë.

Kjo deklaratë është vetëm një detyrim ndaj opinionit publik për të ndarë keqardhjen lidhur me fjalorin e përdorur dje nga përfaqësuesi i opozitës në tryezën e Dialogut të Nivelit të Lartë ndaj kryeministrit të vendit, i cili, jo vetëm nuk i?u drejtua për asnjë çast zotit Ristani në sesionin e djeshëm, po përgjatë gjithë ndërhyrjeve të tij në të katër sesionet e DNL ka qenë plotësisht etik me opozitën, ashtu siç kanë qenë të gjithë anëtarët e qeverisë të pranishëm në tryezë.

Dalja e sotme e deputetit famëkeq për të shpjeguar se pse përdori një fjalor të ulët në tryezën e DNL, shpjegon në fakt edhe ndodhinë e djeshme.

Si sharjet dje edhe shpifjet sot, flasin në të vërtetë për gjendjen e dehur të një opozite që shan të tjerët pse i merren këmbët.

Dhe keqardhja është e pashmangshme kur dëgjon opozitën e vendit tënd të flasë me fjalorin e një të dehuri përpara të huajve dhe pastaj të dalë të nesërmen e të akuzojë kryeministrin pse asaj nuk i del pija që i ka humbur ekuilibrin?, tha Fuga.





Lajmet e fundit nga