web counter
LEXO PA REKLAMA!

SHKARKO APP

App Store
Google Play

E fundit!

x

"Enveristi", Paskal Milo do rishkruajë historinë e Shqiperisë

20 Shtator 2014, 12:57, Aktualitet CNA

Shtatë historianë, dy prej të cilëve të huaj, do të rishkruajnë historinë e shqiptarëve.

Ora News ka mësuar përbërjen e plotë të komisionit të posaçëm të ngarkuar nga qeveria shqiptare për të rishkruar historinë.

Kreu i Komisionit, Paskal Milo, do të rishohë historinë nga vitet 1912 deri në vitin 1939, Milo njihet si nje figure qe shpesh ka kerkuar rehabilitimin e figures se Enver Hoxhes dhe ka quajtur Ballin dhe Nacionalistet “tradhetare”. 

Veç Pavarësisë të vendit, historiani i njohur, do të ketë një detyrë jo pak të lehtë, që është trajtimi i figurës së mbretit Zog, për të cilën ka pasur jo pak kundërshti, gjatë këtyre viteve.

Periudhën e Perandorisë së Bizantit, do ta trajtojë Pëllumb Xhufi, ndërsa Lorenc Bejko, periudhën ilire.

Sundimin osman, do ta kalojë në lupë, Dritan Egro, ndërsa Afrim Krasniqi, do të shkruajë historinë e pas viteve ?89, që duket se do të jetë më shumë një shkrim në rrjedhë kronologjike e ngjarjeve.

Dy periudhat që gjithmonë kanë krijuar debate mes historianëve dhe politikës shqiptare, i janë lënë në dorë dy personaliteteve të huaja.

Bernd Ficher një emër jo i panjohur edhe për shqiptarët, do të shkruajë për periudhën e Luftës së Dytë Botërore, ndërsa gjermani Michael Scheneke do të ketë detyrën më të vështirë prej të gjithëve, ndoshta edhe më të kontestuarën, pasi do tu japë shqiptareve tekstin e ri të historisë së komunizmit.





Lajmet e fundit nga