E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Dështon takimi i Kryeministrit Rama, në Korçë, në inagurimin e zyrës së punës

12 Qershor 2014, 22:00, Aktualitet CNA

Kryeministri Edi Rama ka marrë pjesë sot në ceremoninë e inagurimit të zyrës së punës, në qytetin e Korçës. Në fjalën e tij kreu i qeverisë ka deklaruar se në 4 muajt e parë të vitit janë afishuar 5 mijë vende pune. Sipas Ramës, qeveria po vendos një gurë themeli për punësimin dhe se ka 3-fishuar fondet e nxitjes së punësimit.

I pranishëm në këtë aktivitet ishte dhe Ministri i Mirëqënies Sociale, Erion Veliaj, i cili u shpreh se zyra e punës plotëson standartet europiane dhe kjo është zyra e shtatë që hapet në vend. Sipas ministrit, INSTAT ka konfirmuar më shumë se 32 mijë persona të punësuar dhe në mënyrë simbolike në qytetin e Korçës, zyra është hapur në vendin e një kazinoje, duke u kthyer në një zyrë pune e cila do i japë më tepër mundësi punësimit në qytet.

Por siç duket edhe nga fotoja, organizimi i këtij aktiviteti ka qënë jo i mirëorganizuar. Kryeministri Rama ka folur përpara jo më shumë se 15 personave. Karriget e vendosura jashtë zyrës që po inagurohej kanë ngelur bosh dhe në to janë detyruar të ulen punonjësit e gardës, apo persona të tjera të administratës. Siç shihet qartë në foto pjesmarrja e qytetarëve në këtë aktivitet ka qënë e pakët për të mos thënë se ka munguar.

Në një aktivitet ku flitet për hapjen e vendeve të reja të punës, kjo pjesmarrje duket e pajustifikueshme, për më tepër në qytetin e Korçës, i cili është një nga qytetet me numër të madh të të papunëve, ku plagët e shoqërisë i rëndojnë çdo ditë.

Po të bëjmë një krahasim me aktivitetin e zhvilluar për çeljen e zyrës së re të punësimit në qytetin e Vlorës, do të shohim se ndyshimi është i dukshëm. Të shumtë kanë qënë qytetarët që kanë marrë pjesë në këtë aktivitet. Ndërsa në Korçë, ku shifrat e papunësisë janë alarmante, ka ndodhur e kundërta.

Dhë pikërisht aty ku papunësia është në shifra ekstreme, ku të papunët janë të shumtë, kjo pjesë e shoqërisë ka munguar në këtë aktivitet. Kjo tregon qartazi se inagurimi i këtyre zyrave ka humbur besimin tek qytetarët. Ky aktivitet ndoshta është thjesht një proçes i dështuar dhe vetëm një show mediatik.